«Tesla» kompanıasy AQSH-ta qaýipsizdik beldigindegi aqaýǵa baılanysty 16 myń kólikti keri qaıtaratyn boldy.
Bul týraly osy eldiń Kólik qozǵalysy qaýipsizdigi jónindegi ulttyq basqarmasy málim etti, dep habarlaıdy Almaty-akshamy.kz.
Másele birlestiktiń 2021-2023-shi jyldar aralyǵynda shyǵarǵan keı kólik túrlerine qatysty bolyp otyr. Málimetke qaraǵanda olardyń aldyńǵy oryndardaǵy qaýipsizdik beldigi durys taǵylmaı, jol kólik apaty kezinde jolaýshynyń jaraqattanýyna ákeledi eken. Retteýshi organnyń talabyna saı «Tesla» bul kólik ıeleriniń temir tulparlaryn tekseristen ótkizip, qaýipsizdik beldikterin tegin aýystyryp berýi tıis.