Ádette terorızm taqyrybyndaǵy jalǵan aqparattar qoǵamda úreı týǵyzady. "Bireý aıtty eken" degen sybys búkil halyqty dúrliktirip, saldary qaýipten de aýyr bolýy múmkin, - dep habarlaıdy aqshamnews.kz tilshisi.
Feık degenimiz ne?
Feık — shyndyqqa janaspaıtyn, ádeıi nemese abaısyz taratylǵan jalǵan aqparat. Feıktiń qaýpi nede?
-
Dúrbeleń týǵyzady
Adamdar arasynda qorqynysh pen senimsizdik qalyptasady. Mektepter, balabaqshalar bosatylady, jumys toqtap, qalalar qańyrap qalýy múmkin. -
Qoǵamdy adastyrady
Qaýiptiń naqty qaıdan kelgenin túsiný qıynǵa soǵady. Bul arnaıy qyzmetterdiń jumysyn da qıyndatady — jalǵan aqparattyń artynan júgirip, shynaıy qaýipke kesh jetýi múmkin. -
Lańkesterge kómektesip jiberý qaýpi bar
Iá, keı feıkter terrorısterdiń ózderine tıimdi bolýy múmkin. Sebebi qoǵam dúrlikti — demek, olar maqsatyna jetti.
Feıkti qalaı ajyratamyz?
-
Resmı derekkózge súıenińiz: İİM, TJM, qala ákimdiginiń Telegram-arnalary men saıttaryn tekserińiz.
-
"Bireý aıtty" degenge senbeńiz: Aqparattyń qaıdan shyqqanyna mán berińiz.
-
Sýret pen vıdeony tekserińiz: Keı kontentter burynnan bar, basqa eldegi oqıǵa bolýy múmkin.
Feık taratqandarǵa qandaı jaýapkershilik artylady?
Qazaqstan Respýblıkasynyń zańnamasyna sáıkes, jalǵan aqparat taratý — qylmystyq jaýapkershilikke ákeledi. QR Qylmystyq kodeksiniń 274-babynda bul naqty kórsetilgen:
"Kórineý jalǵan aqparat taratý" – aıyppul, qoǵamdyq jumys, tipti 3 jylǵa deıin bas bostandyǵynan aıyrý jazasyna sebep bolýy múmkin.