Búginde terorızm álem elderi úshin basty qaterlerdiń biri bolyp otyr. Qazaqstan da bul qaýippen kúresý úshin aldyn alý sharalaryn júrgizýde.
Aqshamnews.kz terorızmge qarsy kúres tek memlekettiń ǵana emes, ár azamattyń da ortaq mindeti ekenin umytpaǵan jón ekenin eske salady.
Endeshe, qarapaıym azamat retinde ne bilýimiz kerek?
Kúdikti belgilerdi tanyńyz
Kúndelikti ómirde keıbir jaǵdaılar erekshe nazar aýdarýdy talap etedi. Mysaly:
• Qoǵamdyq orynda ıesiz qalǵan sómke, qorap nemese basqa da zattar;
• Ǵımaratty, kólikti nemese adamdardy uzaq baqylaıtyn beıtanys adam;
• Belgisiz qurylǵylar, symdar nemese erekshe ıis;
• Kúdikti áreket — asyǵys júris, kózden tasa bolýǵa tyrysý.
Eger osyndaı belgilerdi baıqasańyz — zatqa jaqyndamańyz jáne dereý 102 nemese 112 nómirine habarlasyńyz.
Aqparatqa abaı bolyńyz
Terorıstik uıymdar óz nasıhatyn taratý úshin ınternet pen áleýmettik jelilerdi jıi paıdalanady. Sol sebepti:
• Beıtanys adamdardan kelgen siltemelerge ótpeńiz;
• Shyn-ótirigi belgisiz aqparatty taratpańyz;
• Kúmándi toptar men arnalaryna jazylmańyz;
• Balalaryńyzdyń ınternettegi áreketterine baqylaý jasańyz.
Qaýipsizdik erejelerin este saqtańyz
Saýda ortalyǵy, vokzal, teatr sıaqty halyq kóp jınalatyn jerlerde qaýipsizdik belgileri men evakýasıalyq joldarǵa nazar aýdaryńyz. Tótenshe jaǵdaı bolǵan kezde:
• Sabyr saqtap, dúrlikpeńiz;
• Jaqyndaryńyzdy qaýipsiz jerge alyp shyǵyńyz;
• Arnaıy qyzmetterdiń nusqaýyn buljytpaı oryndańyz;
• Foto nemese vıdeo túsirýge emes, qaýipsizdikke mán berińiz.
Este saqtańyz!
Kez kelgen kúmándi jaǵdaıdy baıqasańyz — 102 nemese 112 nómirine dereý habarlasyńyz.
Sizdiń qyraǵylyǵyńyz — ózińiz ben aınalańyzdaǵy adamdardyń qaýipsizdigin qamtamasyz etýdiń mańyzdy qadam