Kósheleri zamanaýı óner ortalyǵyna aınalǵan aýdandar álemniń kóptegen qalalarynda bar. Bul qatardy bıyl Almaty tolyqtyryp otyr. Buryn Dostyq dańǵylynan Esentaı ózenine deıingi Ospanov kóshesindegi Terenkýr ýchaskesi tar bolatyn ári bul aımaqta serýendeý múmkin emes edi. Alaıda Qala ákimi Erbolat Dosaevtyń tapsyrmasy boıynsha az ýaqyttyń ishinde bul aımaq túrlenip shyǵa keldi.
Munda asfált tóselip, keıbir ýchaskeler tósenishtermen bezendirildi, trotýar qala turǵyndaryna serýendeýge yńǵaıly bolý úshin keńeıtildi. Biraq eń qyzyǵy basqada. Medeý aýdany ákimdiginiń uıyqty bolýymen tanymal Repas toby strıt-sheberleri qaraýsyz qalǵan ýchaskeni ashyq aspan astyndaǵy kórkemsýret galereıasyna aınaldyryp jiberdi.
Uzyndyǵy 420 metr bolatyn bul úlken kenepte ondaǵan kompozısıa beınelegngen. Qabyrǵany boıaýmen 80 sýretshi aınalysty. Barlyq sújetter bir qaraǵanda ártúrli bolyp kóringenimen, olardy biriktiretin nárse bar. Jobanyń ıdeıasy – ol qazaq álipbıin beıneleıdi. Sýretshilerdiń árqaısysy ózine belgili bir áripti tańdap, oǵan súıene otyryp, óz sýretin jasady. Sonymen qatar, álippe kóshe ártisteriniń jumysynda úlken mańyzǵa ıe, árkimniń ózindik erekshe qoltańbasy bar. Sondyqtan olar úshin áriptik tańbalar sımvoldyq sıpatqa ıe.
Nátıjesinde árbir mýraldy sheksiz qaraı berýge bolady. Óıtkeni qabyrǵa sýretterinde kóptegen bólshekter bar. Bul qazaqtyń ulttyq oıý-órnekteri, tanymal emodzıler men shyǵystyń ásem sulýlary. Munyń bári qazirgi álemniń jarqyn ár túrliligin aıqyn kórsetedi. Mundaı baı ári ár túrli sújetter túrli sýretshilerdiń eńbeginiń arqasy. Mysaly, Evgenıı Chervi óz jumysyn órtte ólip qalǵan mysyǵyna arnady. Sýretshi balkonyna daladan taýyp alǵan mysyǵyn panalatypty. Mysyq qatyp qalmas úshin radıator ornatypty. Nátıjesinde órt shyǵyp, páter de órtenip, sol órtte mysyǵy órtenip ketken eken.
Jalpy ár sýretshiniń jumysy týraly bólek bólek aıtý múmkin emes. Óıtkeni ár jumystyń ózindik tarıhy, aıtyr oıy bar. Eń bastysy bul jumys Almatyǵa emes, tipti Qazaqstan úshin emes, búkil Ortalyq Azıa úshin biregeı joba bolyp shyqty.
- Bul shyn máninde búgingi tańda mýraldarǵa arnalǵan aımaqtaǵy eń úlken kenep. Ózderińiz biletindeı, Ortalyq Azıada bul qabyrǵa mýraldarǵa arnalǵan jarty shaqyrymǵa jýyq jalǵyz kenep, - deıdi Almaty Creative Bureau basshysy Krıstına Bekmýrzaeva. – Jobanyń ereksheligi sol, sýretshilerge kart-blansh berildi. Kóbinese, kóshe ártisteri bizdiń tapsyrysymyz boıynsha jumys isteıdi, mysaly, olar belgili bir mekeme jasaıdy, onda, árıne, naqty tujyrymdama bar. Barlyǵy belgili bir stılde jasalýy kerek, ıaǵnı sýretshilerge erkindik berilmeıdi. Al bul jobada olarda shekteý bolmady, árkim qabyrǵada qalaǵan jumysyn salýǵa múmkindik aldy. Meniń oıymsha, bul Almaty ákimdiginiń zamanaýı mádenıetti qalaı qoldaıtynynyń taǵy bir mysaly, megapolıstegi kreatıvti ındýstrıany damytýǵa septigin tıgizgen joba bul. Aldaǵy ýaqytta Almatyny odan da ádemi ári tartymdy qalaǵa aınaldyramyz.
Qaraýsyz qalǵan ýchaskeniń qalanyń betke ustar jerine aınalýy komýnaldyq qyzmetterdiń tynymsyz jumysynyń jáne qazirgi zamanǵy óner áleminiń eń kórnekti ókilderiniń arqasynda múmkin boldy. Bul aımaqty abattandyrý jumystary jaz aıynyń ortasynda bastalǵan edi. Qazir bul aımaq 95 paıyzǵa daıyn. Dese de, qabyrǵadaǵy sýretterdi qyzyqtap qarap júrgen turǵyndar júrgizilip jatqan jóndeý jumystaryn onsha baıqapmaýy da múmkin. Mysaly jaqyna arada kóshege keshki jaryq júıesi ornatylady. Kóp estigennen bir kórgen durys.
