Shymkentte janar-jaǵarmaı beketiniń kasasynan 12 mıllıon teńge jymqyrǵan er adam sottaldy, - dep habarlaıdy almaty-akshamy.kz.
Polısıaǵa janar-jaǵarmaı beketiniń kasasynan asa iri mólsherde aqsha jymqyrylǵany týraly aryz tústi. Kásipkerdiń aıtýynsha, kasırshi jigit táýliktik kezekshilikke túskende tólem qabyldaıtyn bank qurylǵysynyń bolmaýyna baılanysty tutynýshylarǵa óziniń jeke esepshotyn aıtyp, aqshany sonda aýdartyp otyrǵan.
"Osylaısha, ol janar-jaǵarmaı satýdan túsken qarajatty kasaǵa tolyq ótkizbeı, jábirlenýshige 12 350 000 teńge shyǵyn keltirgen. Tártip saqshylary atalǵan jaıtty QR QK-niń 189-baby 4-bóligi ("Senip tapsyrylǵan bóten múlikti ıemdenip alý nemese talan-tarajǵa salý") boıynsha tirkep, sotqa deıingi tergep-tekserý amaldaryn júrgizdi", - delingen habarlamada.
35 jastaǵy jergilikti turǵyn jymqyrǵan aqshany jeke qajetine jaratyp jibergeni anyqtalǵan. Tergeýshiler barlyq aıǵaqtardy jınap, qylmystyq is materıaldaryn sotqa joldady.
Nátıjesinde, sot er adamdy kináli dep tanyp, ony 5 jylǵa materıaldyq jaýaptylyqpen baılanysty qyzmetterdi atqarý quqyǵynan jáne 7 jyl merzimge bas bostandyǵynan aıyrý jazasyn taǵaıyndady.