Shymkent qalasynda Azıa - Tynyq muhıt aımaǵy boıynsha ótip jatqan irikteý týrnıriniń jartylaı fınalynda Iaroslava Shvedovanyń shákirtteri álemdegi úzdik quramalardyń biri, jasóspirimder arasynda Bıllı Djın Kıng kýboginiń bes dúrkin chempıony Aýstralıany 2:0 esebimen tize búktirdi.
Bul týraly Qazaqstan tenıs federasıasynan málim etti, dep habarlaıdy Almaty-akshamy.kz.
Birinshi oıynda Arıana Gogýlına qarsylasyn tartysty machta 7:5, 3:6, 7:5 esebimen utty. Ol birinshi partıada 2:5 esebimen jeńilip jatyp, qatarynan bes geımdi aldy.
Polına Slepsova Aýstralıa kóshbasshysy Tahlıa Kokkınısti jeńdi - 7:5, 6:4.
Osylaısha, Qazaqstan jasóspirimder quramasy bıyl kúzde ótetin 16 úzdik komandanyń qatarynda álem chempıonatynda óner kórsetedi.
Erteń, 6 mamyr kúni fınalda qazaqstandyq qyzdar Japonıa nemese Ońtústik Koreıanyń bireýimen kezdesedi.
Eske sala keteıik, budan buryn Qazaqstan jasóspirimderiniń irikteý týrnıriniń 1/2 fınalyna shyqqanyn jazǵan bolatynbyz.
Sondaı-aq Aleksandr Býblık Fransıadaǵy týrnırdiń shırek fınalyna shyqty.