Qazaqstandyq, álemniń 209-raketkasy Tımofeı Skatov Parma 2 (Italıa) chellendjer týrnırin jeńispen bastady, dep habarlaıdy Almaty-akshamy.kz QazAqparatqa silteme jasap.
Ótken aptada Lıssabon jarysynyń fınalyna deıin jetip, sonyń nátıjesinde álemdik reıtıńide 233-ten birden 209-satyǵa kóterilgen T.Skatov úshin qaı dodany da tabysty ótkizý mańyzdy.
Bul joly qazaqstandyq tenısshi alǵashqy aınalymda reıtıńte 513-oryndaǵy ıtalıalyq Stefano Napolıtanomen kortqa shyqty.
T.Skatov 7:5, 6:3 esebimen jeńiske jetti. Ol 1 saǵat 44 mınýtqa sozylǵan mach barysynda eıs jasamaǵanymen, 7 breık-poınttyń beseýin paıdalana bildi. Qarsylasy 3 eıs, 3 breıkpen kózge tústi.
Tımofeı Skatov shırek fınalǵa shyǵý úshin álemniń 128-inshi, osy jarystyń 6-raketkasy, ıspanıalyq Karlos Taberner nemese reıtıńte 463-satydaǵy ıtalıalyq Franchesko Fortıdiń bireýimen talasady.
Eske sala keteıik, budan buryn Elena Rybakınanyń Chehıada álemniń 17-raketkasyn jeńgenin jazǵan bolatynbyz.
Sondaı-aq Astana Open ATP 500 týrnırinde álemniń birinshi raketkasy jeńilip qaldy.
Karen Hachanov Astanaǵa tenıs juldyzdary jınalǵanyn aıtty.