Jınalǵan qarjy 25 mıllıon teńgeden asady
Ulttyq qaýipsizdik komıteti Qostanaı oblysyndaǵy órtten zardap shekkenderge erikti túrde materıaldyq kómek jınady, dep habarlaıdy Almaty-akshamy.kz.
QR UQK baspasóz qyzmetiniń málimetinshe, jınalǵan qarjy 25 mıllıon teńgeden asady. Bul qomaqty aqsha "Qaıyrymdylyq KZ" qoǵamdyq qorynyń arnaıy qurylǵan esepshotyna aýdaryldy.
2 qyrkúıekte Qostanaı oblysyndaǵy "Basaman orman sharýashylyǵy mekemesi" KMM-ǵa qarasty eki ormanshylyǵy aýmaǵynda órt boldy. Qyzyl jalyn jalmaǵan aýmaq 4 qyrkúıekte 43 myń gektardan asty. Birneshe aýyl turǵyndary evakýasıalandy. Órt saldarynan 12 adam zardap shekti, bireýi qaza tapty. Tótenshe jaǵdaıǵa baılanysty óńirge jumys saparymen Prezıdent Qasym-Jomart Toqaev baryp, Áýlıekól aýdanyndaǵy tabıǵı órtterdi joıý boıynsha jumystardyń barysyna baǵa berdi.
7 qyrkúıekte saǵat 15:00-de QR TJM basshysy Iýrıı Ilın Qostanaı oblysynyń Áýlıekól aýdanyndaǵy tabıǵı órtter oqshaýlanǵanyn málimdedi.