Teńiz – Novorossıısk munaı qubyrynyń uzyndyǵy 1511 shaqyrym
"Kaspıı qubyr konsorsıýmy-R" (KQK-R) baspasóz qyzmeti Teńiz-Novorossıısk qubyry arqyly munaı aıdaý kóleminiń qysqarǵanyn jetkizdi, dep habarlaıdy Almaty-akshamy.kz Zakon.kz-ke silteme jasap.
RBK málimetinshe, Reseı terıtorıasyna shıkizat jiberý kóleminiń qysqarýyna munaı qubyryn jóndeý jumystary jáne osyǵan baılanysty Qashaǵan ken ornynda munaı óndirisiniń toqtatylýy sebep.
«Bul faktorlar Teńiz – Novorossıısk qubyr júıesi arqyly munaı aıdaýdyń kóleminiń aıtarlyqtaı tómendeýine ákelip soqty», - dedi konsorsıýmnyń baspasóz qyzmeti.
KQK-niń eń iri seriktesteri kompanıanyń 24% aksıasyna ıelik etetin "Transneft" jáne baǵaly qaǵazdardyń 19% tıesili "QazMunaıGaz" AQ bolyp tabylady.
Teńiz – Novorossıısk munaı qubyrynyń uzyndyǵy 1511 shaqyrymdy quraıdy.
Ol boıynsha Qazaqstannyń barlyq eksportqa jóneltiletin munaıynyń úshten ekisinen astamy tasymaldanady, sondaı-aq Reseı ken oryndarynan da, onyń ishinde Kaspııden shıkizat jetkiziledi.
Shilde aıynyń basynda Novorossıısk óńirindegi Prımorskıı aýdandyq soty ekologıalyq buzýshylyqtarǵa baılanysty KQK (Reseı men Qazaqstannyń da úlesi bar kompanıa) qyzmetin toqtatty.
Keıin QR Energetıka mınıstrligi jumys shtattyq rejımde júrgizilip jatqanyn, atalǵan másele sheshimin tapqanyn málimdedi.