Sofıa qalasynda dúbirli dodanyń ekinshi kúni máresine jetti
Taekvondodan Qazaqstannyń jastar quramasy álem chempıonatynda eki kúmis pen bir qola medal enshiledi, dep habarlaıdy Almaty-akshamy.kz taekvondo federasıasyna silteme jasap.
Bolgarıanyń Sofıa qalasynda dúbirli dodanyń ekinshi kúni máresine jetti. Sportshylarymyz arasynan Áset İzǵalıev (48 kg), Aıdana Súndetbaı (46 kg) men Tamerlan Tileýles (51 kg) erekshelendi.
Fınalda ońtústikkoreıalyq Iýnseo Kımge ese jibergen Aıdana Súndetbaı, Ońtústik Koreıa ókili H.Iangten aılasyn asyra almaǵan Tamerlan Tileýles jeńis tuǵyrynyń ekinshi satysyna kóterildi.
Al 48 kg salmaqtyń jartylaı fınalynda Áset İzǵalıev ırandyq A.Zandımen kezdesip, qola medal aldy.
Osylaısha, ázirge jastarymyzdyń qorjynynda eki kúmis pen bir qola medal bar.