Almatyda teńgeni rúblge qolaıly baǵada aıyrbastaımyn dep turǵyndardy aldap soqqan er adam ustaldy.
Almaty polısıasy teńgeni rúblge aıyrbastaǵan kásipker er adamdy ustady, dep habarlaıdy Almaty-akshamy.kz Polisia.kz-ke silteme jasap.
«28 jastaǵy A.esimdi azamat birqatar alaıaqtyq jasady degen kúdikpen quryqtaldy. Er adam áleýmettik jeli arqyly teńgeni rúblge qolaıly baǵamen aıyrbastaý týraly habarlandyrý jarıalady. Qazirgi ýaqytta tergeý kúdiktiniń aldaýdyń 4 deregine qatysy bar ekendigin dáleldedi. Tergeý barysynda belgili bolǵandaı, kúdikti bir jaǵdaıda 300 myń teńgeni, ekinshisinde 1 mıllıon teńgeni «aıyrbastaǵan». Anyqtalǵan derekter boıynsha, QR QK-niń 190-babyna sáıkes, tergeý amaldary júrgizilýde», – dep habarlady, Áýezov aýdandyq PB-ǵa qarasty polısıa bóliminiń bastyǵy Edilhan Baıǵaraev.
Polısıanyń aıtýynsha, aldanǵan adamdar áldeqaıda kóp bolýy múmkin. Osyǵan oraı, tártip saqshylary atalǵan adamnyń sýretin muqıat qarap shyǵýdy jáne ony tanyǵan jaǵdaıda myna telefon nómirlerine habarlasýdy suraıdy: 8-747-359-79-24; 8-708-909-75-76; 8-701-775-08-35.
Aqparat kózi Polisia.kz saıtynda: https://polisia.kz/almatyda-tenggeni-rubl-ge-qolajly-baghada-ajyrbastaghan-er-adam-ustaldy/