Bul týraly Ulttyq bank tóraǵasy Tımýr Súleımenov aıtty.
2024 jyldyń 9 aıynda teńge 5,8%-ǵa álsiredi, dep habarlaıdy aqshamnews.kz
«Qyrkúıekte teńgeni aıyrbastaý baǵamy bir dollar úshin 481,11 teńgege deıin, ıaǵnı 0,1%-ǵa azdap nyǵaıdy. Alaıda jyl basynan beri teńge 5,8%-ǵa álsiredi», - dedi Tımýr Súleımenov Úkimet otyrysynda.
Onyń aıtýynsha, transfertterdi qamtamasyz etý úshin qyrkúıekte Ulttyq qordan respýblıkalyq búdjetke 945 mln dollardy satyp, teńgege qoldaý kórsetken.
«Biryńǵaı jınaqtaýshy zeınetaqy qorynyń zeınetaqy aktıvterin ınvestısıalaý úshin shetel valútasyn satyp alý kólemi 500 mln dollar boldy. Zeınetaqy aktıvteriniń valútalyq úlesi maqsatty 40% deńgeıine jetýine baılanysty shetel valútasyn satyp alýdy toqtata turý týraly sheshim qabyldandy», - dedi Súleımenov.
Tımýr Súleımenov teńgeniń budan keıingi dınamıkasy álemdik naryq pen geosaıası jaǵdaıdyń ózgerýine baılanysty bolatynyn atap ótti.
Ulttyq bank resmı saıtyndaǵy aqparatqa sáıkes, 15 qazanda dollar 484,11 teńgege teń bolyp tur. Keıingi aptada kórsetkish 490 teńgege deıin jetti.
Kurs.kz málimetinshe, Almatynyń valúta aıyrbastaý pýnktterinde dollar 488 teńgeden satylyp jatyr. Elordada AQSH valútasy 490 teńgege saýdalanyp jatyr.