Jerdegi magnıttik daýyldar qazannyń 3 kúni bastalǵan bolatyn.
Mamandar 16 qazanǵa qaraǵan túni, ıaǵnı búgin magnıt daýyly bolady degen boljam bar, dep habarlaıdy aqshamnews.kz
RBK basylymynyń jazýynsha, Reseı ǵylym akademıasy Ǵaryshtyq zertteýler ınstıtýtynyń Kún astronomıasy zerthanasy magnıt daýyly sársenbige qaraǵan túni, tún ortasynda bastalyp, tańǵy saǵat 6 shamasynda basylatynyn málimdegen.
Daýyl G1 deńgeıinde álsiz bolady. Onyń boljamdy yqtımaldyǵy 40%-ǵa teń.
Jerdegi magnıttik daýyldar qazannyń 3 kúni bastalǵan bolatyn. Ol aptanyń sońyna deıin jalǵasty. Ekinshisi 2 qazan kúni boldy. Mamandardyń aıtýynsha, bul 2024 jylǵy ekinshi qýatty magnıt daýyly boldy. Keıin mamandar 10 qazan kúni kúshti magnıt daýyly bolady dep boljady. Boljam dál kelip, onyń deńgeıi G4-ke jetti. Qýatty daýyl bir táýlikke deıin sozylyp, 11 qazan kúni basyldy.
Magnıt daýyldary elektrondy apparattarǵa, ásirese, ǵarysh stansasyndaǵy spýtnıkterge, tehnıkalyq qural-jabdyqtarǵa áser etedi. Bul ǵaryshtyq jeldiń ıondaýshy sáýlelený aǵyndaryn ákelýine baılanysty.