55 azamat poıyzdyń astyna túsip, olardyń jartysynan kóbi qaıtys boldy.
Elimizde temirjoldy belgilenbegen tustan kesip ótken 28 myńnan astam azamat jaýapqa tartyldy, dep habarlaıdy aqshamnews.kz
Jyl basynan beri kóliktegi polısıa departamenti belgilenbegen jerlerden temirjoldardy kesip ótkeni úshin 28 589 tulǵany ákimshilik jaýapkershilikke tartty.
Onyń ishinde adamdardyń bolýyna baılanysty – 205, janýarlardyń bolýyna baılanysty – 956.
Departament bastyǵy Baqytjan Malybaevtyń aıtýynsha, demalys kúnderi Jetisý oblysy Qarabulaq – Taldyqorǵan aralyǵynda júk poıyzy belgilenbegen jerden temir joldy kesip ótip bara jatqan er adamdy qaǵyp ketti.
Ol alǵan jaraqattarynan sol jerde kóz jumdy. Qylmystyq is qozǵalyp, tergeý júrgizilýde.
"Ókinishke oraı, qaıǵyly oqıǵalardyń kópshiligi temirjolda júrip-turý erejelerin saqtamaý saldarynan bolady. Áli kúnge deıin adamdar temirjoldyń qanshalyqty qaýipti aımaq ekendigin, onyń zardaptaryn jete túsinbeıdi", – dedi B.Malybaev.
Kólik polıseıleri profılaktıkalyq is-sharalardy júrgizý kezinde azamattarǵa temirjol aımaǵynda qaýipsizdik erejelerin qatań saqtaý qajet ekenin jıi eskertedi.
Jaıaý júrginshilerdiń tósem arqyly ótpes buryn temirjolda poıyzdyń, lokomotıvtiń nemese vagondardyń joqtyǵyna ábden kóz jetkizgenderi jón. Tipti, poıyzdyń sıgnalyn estý úshin qulaqqap pen bas kıimdi sheship ótý óte mańyzdy.