QR Densaýlyq saqtaý mınıstrliginde oblystar ákimderiniń, densaýlyq saqtaý basqarmalarynyń óńirlik jáne mınıstrliktiń qurylymdyq bólimsheleri basshylarynyń qatysýymen kezekti alqa otyrysy ótti.
Alqa otyrysy barysynda densaýlyq saqtaý júıesiniń osy jyldyń alǵashqy jartyjyldyǵyndaǵy jumysy qorytyndylandy, dep habarlaıdy ashamnews.kz Densaýlyq saqtaý mınıstrligine silteme jasap.
Jıynda onkologıa qyzmetin jaqsartý, medısınalyq uıymdardyń qarjylyq turaqtylyǵyn arttyrý boıynsha jospardy júzege asyrý sharalary, sonymen qatar medısınalyq JOO stýdentteriniń bilimin baǵalaý men oqytýdyń jańa tásilderi qaraldy.
Sondaı-aq memlekettik mekemeler usynatyn, halyqtyń medısınalyq kómek sapasyna qanaǵattanýyna baǵyttalǵan Joǵary aýdıtorlyq palataǵa júrgizilgen sholý tanystyryldy.
Densaýlyq saqtaý mınıstrliginiń 2023-2027 jyldarǵa arnalǵan damý Josparynyń 30-dan astam ındıkatorynyń oryndalý nátıjeleri talqylandy, olardyń jartysy óńirlik ákimdiktermen birlese júzege asyrylýda. Shuǵyl gospıtalızasıa ósimi men medısınalyq statısıka qurý ádisterine taldaý júrgizý, halyqtyń densaýlyǵyn saqtaýdaǵy negizgi kórsetkishterge qol jetkizý boıynsha óńirlermen jumysty kúsheıtý tapsyryldy.
Profılaktıkanyń jetkiliksizdigi, aqparattyq júıelerdi biriktirýdegi kedergiler jáne kadr tapshylyǵy syndy onkologıalyq qyzmet jumysyndaǵy máseleler bólip kórsetildi. Osy kemshilikterdi joıý maqsatynda Onkoqyzmetti jetildirý boıynsha 2024-2027 jyldarǵa arnalǵan Jol kartasy ázirlendi, ol uıymdastyrýshylyq úderisterdi jańǵyrtý jáne qarjyny tıimdi jumsaýdy qamtıdy.
Sonymen qatar kadr tapshylyǵy máselesin sheshýge jáne medısınalyq JOO-daǵy bilim sapasyn arttyrýǵa arnalǵan jańa bastamalar usynyldy. Túlekterdi bólgende jergilikti atqarýshy organdar qajettiligi men kadrlyq resýrstar boljamy eskeriledi. Búkil rezıdentýra úderisin úılestirý úshin sandyq platforma qurylady.
Otyrys qorytyndysynda keshendi jospar sheńberinde medısınalyq uıymdardyń qarjylyq jaǵdaıyn jaqsartý boıynsha jumystardy jalǵastyra berý tapsyryldy. Jyldyń sońyna deıin anaǵurlym problemaly 30 medısınalyq uıymdy baqylaý jáne qoldaýǵa erekshe kóńil bólinetin bolady. Basymdyq beriletin máseleler qatarynda - memlekettik mindettemelerdiń resýrstarǵa qatysty teńgerimin saqtaý, qarjyny tıimdi jumsaýdy arttyrý jáne basshylyq qyzmetterge kadr irikteýdi kúsheıtý jumystary bar.
Bir aıta keterligi, 2024 jyldyń alty aıynda 1,6 mıllıon naýqas stasıonarlyq kómek alǵan, 200 myńǵa jýyq áıel bosandyrylǵan, sondaı-aq jádel járdem qyzmeti 4,2 mıllıonnan astam shaqyrtýǵa jaýap bergen. Bul derekter densaýlyq saqtaý júıesi jumysynyń kólemin ǵana emes, sonymen birge medısına qyzmetkerleri eńbeginiń mańyzdylyǵyn da kórsetedi.
Mınıstrlik densaýlyq saqtaý júıesin jaqsartý, sapaly medısınalyq kómekpen qamtamasyz etý jáne salanyń barlyq qyzmetkerlerine ozyq eńbek jaǵdaıyn jasaý boıynsha jumystaryn jalǵastyra beredi. Medısınalyq mekemelermen, óńirlermen jumysty úılestirýge jáne olardy qoldaýǵa erekshe kóńil bólinetin bolady. Densaýlyq saqtaý mınıstri otyrystyń barlyq qatysýshylaryn ortaq maqsatqa jetýde jáne azamattarǵa arnalǵan medısınalyq qyzmet sapasyn arttyrýda kúsh biriktire jumys isteýge shaqyrdy.