Ol úshin temirjoldar boıynda 100 km astam qorshaý ornatylady.
Kóliktegi polısıa men tasymaldaýshy kompanıa jelilik bólimsheleriniń basshylary temirjoldar boıyndaǵy oqys oqıǵalardy azaıtý amaldaryn qarastyryp jatyr, dep habarlaıdy Almaty-akshamy.kzElorda.info saıtyna silteme jasap.
Keńeste atalyp ótkendeı, temirjoldar boıyndaǵy oqys oqıǵalar Almaty, Shymkent, Aqmola jáne Qyzylorda jol bólimsheleriniń aımaqtarynda kóp tirkelgen. Negizgi sebep – adamdardyń abaısyzdyǵy jáne qaýiptiligi joǵary aımaqta erejelerdiń saqtalmaýy.
QTJ-daǵy magıstral obektilerinde turaqty negizde uıymdastyrý-tehnıkalyq is-sharalary júrgizilip keledi. Adamdardyń jolǵa ruqsatsyz shyǵýyna tosqaýyl qoıý úshin stansıalarda shamamen 300 km qorshaý ornatylǵan. Bilim berý mekemelerinde túsindirý-profılaktıkalyq jumystarǵa kóp kóńil bólinedi. Tártip saqshylarymen birlesken reıdter júrgiziledi.
2024 jyldyń sońyna deıin Astana - Aqtóbe, Astana - Atyraý, Astana - Zashıta, Almaty - Mańǵyshlaq, Almaty - Jezqazǵan, Astana - Oral ýchaskelerindegi temirjoldar boıynda 100 shaqyrymnan astam qorshaý ornatý josparlanyp otyr. Sondaı-aq, Jańaarqa (Qaraǵandy oblysy), Jińishke (Aqtóbe oblysy), Dostyq (Almaty oblysy) stansıalarynda jerústi jaıaý júrginshiler ótkelderin salý kózdelgen.