Bul týraly Qazaqstan temirjolshysy basylymy málimdedi.
Osy jyldyń basynan bastap temirjol ótkelderinde úsh jol-kólik oqıǵasy tirkelse, taǵy úsh jol-kólik oqıǵasy jeke kirme joldar ótkelinde oryn alǵan, dep habarlaıdy Almaty-akshamy.kz joǵaryda atalǵan basylymnyń derekterine súıenip.
Barlyq oryn alǵan JKO sebebi – avtokólik quraldary júrgizýshileriniń jol qozǵalysy erejelerin buzýy. Júrgizýshiler jaqyndap qalǵan poıyz aldyna, shlagbaým jabylǵan kezde ótpedegi dabyldyń tyıym salýyna qaramaı jolǵa shyǵyp ketken. Mundaı buzýshylyqtar adamdardyń jaraqattanýyna, poıyzdar júrý kestesiniń buzylýyna, JKO-nyń barlyq qatysýshylaryna materıaldyq zıan keltirdi. Jolaýshylardyń, júrgizýshilerdiń jáne lokomotıv brıgadalary qyzmetkerleriniń densaýlyǵy men ómirine qaýip tóndi.
QTJ júrgizýshilerdi jol qozǵalysy erejelerin qatań saqtaýǵa jáne temirjol ótkelinen ótý kezinde óte muqıat bolýǵa shaqyrady. Poıyzdy birden toqtatý múmkin emes: tótenshe tejeýdi qoldana otyryp, mashınıst poıyzdy tek 800-1000 metrden keıin toqtatady.
Sondaı-aq, temirjolshylar úshin alańdaýshylyq týǵyzyp otyrǵan másele qaraýsyz qalǵan maldardy basý oqıǵalary bolyp tabylady. Jyl basynan beri osyndaı 110 astam jaǵdaı tirkeldi. Kóbinese mal basý Pavlodar, Qaraǵandy, Semeı jáne Mańǵystaý jol bólimsheleriniń shekaralarynda tirkeldi. Qaraýsyz qalǵan mal poıyzdar qozǵalysyna qaýip tóndiredi.
QTJ temir jol ótetin eldi mekender turǵyndaryna, fermer qojalyqtarynyń basshylaryna jáne jeke kásipkerlerge, ásirese qys mezgilinde temir joldyń janynda úı janýarlarynyń bolýyna jol bermeý týraly ótinishpen júginedi.