Bıyl 6000-nan astam azamat belgilenbegen jerden temir jol tósemin kesip ótken.
Sol úshin jaýapkershilikke tartylǵan, dep habarlaıdy Almaty-akshamy.kz Polisia.kz-ke silteme jasap.
Ótken aptada Kóliktegi polısıa departamenti poıyzdardyń adamdardy qaǵyp ketýdiń 5 faktisin tirkedi. Jazataıym oqıǵalar Soltústik Qazaqstan, Jambyl, Túrkistan, Qyzylorda jáne Aqtóbe oblystarynyń aýmaǵynda boldy. Úsh fakti boıynsha adamdar temirjol jaraqatyn alsa, ekeýi ólimmen aıaqtaldy.
Bul týraly departament bastyǵynyń birinshi orynbasary Madıar Aıtýǵanov málimdedi. Onyń aıtýynsha, kóliktegi PD qyzmetkerleri temirjol tóseminde jaraqat alý men jazataıym oqıǵalardyń aldyn alý maqsatynda turǵyndarmen jáne oqý oryndarynyń oqýshylarymen turaqty negizde kezdesýler ótkizip turady. Qabyldanyp jatqan sharalardyń nátıjesinde osy kezeńde departamentte jyljymaly quramnyń balalardy qaǵyp ketýdiń birde-bir faktisi tirkelgen joq. Desek te, keıbir azamattar temirjol kóligi obektilerindegi qaýipsizdik erejelerin buzýdy jalǵastyrýda, al onyń sońy aýyr zardaptarǵa ákep soǵady.
«Osy jyldyń basynan beri temirjol kóligindegi qaýipsizdik erejelerin buzýdyń, ıaǵnı azamattardyń belgilenbegen jerlerden temirjoldy kesip ótýdiń 6179 faktisi anyqtaldy. Sondaı-aq temirjolda adamdardyń, úı janýarlarynyń bolýyna jáne bógde zattardy qoıýǵa baılanysty poezdarda shuǵyl tejeýdi qoldanýdyń 280-nen astam faktisi tirkeldi. Temirjoldaǵy qaýipsizdik taqyryby óte ózekti másele. Azamattar kóbinese, aspaly kópirlerden ótpeı, joldy qysqaryp, ýaqytty únemdegisi keledi. Munyń sońy temirjol jaraqatyn alýǵa nemese adam ólimi jaǵdaılaryna ákep soǵady. Sondyqtan bir mınýtty únemdeımin dep ómirińizdi qysqartyp almańyz. Eń bastysy, birneshe qarapaıym erejelerdi este saqtaǵan jón:«Temirjol jaıaý júrginshilerge arnalǵan jol emes!»,«Temirjol oıyn alańy emes!», «Temirjol – asa qaýipti aımaq!», – dedi M. Aıtýǵanov.