Qazaqstan Ulttyq Banki 2023 jylǵy 24 shildede «Este qalatyn oqıǵalar men birtýar adamdar» serıasynan TEMIRBEK JÚRGENOV.125 JYL koleksıalyq monetalaryn aınalymǵa shyǵardy, - dep habarlaıdy Almaty-akshamy.kz.
Monetalar 2023 jylǵy 26 shildeden bastap QUB-tyń ınternet-dúkeni arqyly satylady.
Moneta Qazaqstannyń mádenıet jáne óner qaıratkeri Temirbek Júrgenovtiń 125 jyldyǵyna oraı shyǵaryldy. Temirbek Júrgenov - Qazaqstannyń tuńǵysh aǵartý mınıstri. Ol 1934 jyly Qazaqstanda búkil Ortalyq Azıa men Qazaqstannyń alty iri joǵary oqý ornynyń qurylysynyń bastalýyna sebepker boldy.
TEMIRBEK JÚRGENOV.125 JYL monetasy MN 25 melhıor qospasynan daıyndalǵan. Massasy - 15 gram, dıametri - 33 mıllımetr, daıyndaý sapasy brilliant uncirculated, nomınaly 100 teńgelik, taralymy - 10 myń dana.
Koleksıalyq monetalar Qazaqstan Respýblıkasynyń búkil aýmaǵynda óziniń belgilengen qunyna saı tólemniń barlyq túri boıynsha qabyldanady, sondaı-aq, ony eldiń barlyq bankinde bank shottaryna esepke alynýǵa jáne aýdarýǵa, usaqtaýǵa jáne aıyrbastaýǵa bolady.
Koleksıalyq monetalar Qazaqstan teńge saraıynda daıyndaldy.