Almatynyń jańa jekemenshik balabaqshalarynda memlekettik tapsyrys boıynsha 5,3 myńnan astam oryn paıda bolady
Almatyda Memleket basshysy bergen tapsyrma aıasynda balabaqshalardaǵy kezek, sondaı-aq jalpy bilim beretin mektepterdegi oryn tapshylyǵy azaıdy, dep habarlaıdy Almaty-akshamy.kz
Erbolat Dosaev bul máseleni sheshý úshin jeke bıznes belsendi tartylatynyn atap ótti.
"Aǵymdaǵy jyly Almatyda 76 jańa jekemenshik mektepke deıingi bilim berý ortalyqtarynda 5 330 orynǵa tapsyrys berilgen. Sondaı - aq, biz iri qurylys salýshylarmen áleýmettik áriptestik tetigin damytýdamyz. Onyń aıasynda 2025 jylǵa deıin 2100 oryndyq 11 tolyqqandy balabaqsha ashýdy josparlap otyrmyz", - dedi Almaty ákimi.
Onyń aıtýynsha, mektepterdegi oqýshy oryndarynyń tapshylyǵy jańa oqý oryndaryn salý arqyly da sheshiledi. Al jańa oqý jylynyń basynda ol 36% - ǵa qysqardy.