Álem elderiniń jartysyna jýyǵynda elektrondy temeki satyp alýdyń eń tómengi jasyn retteıtin zań joq.
Bul týraly DDSU málimdedi. Sondyqtan, veıp jastar arasynda erekshe tanymal. Al, dástúrli temekige qatysty Dúnıejúzilik densaýlyq saqtaý uıymynyń talaptaryn birneshe el ǵana tolyq oryndap otyr, dep habarlaıdy Almaty-akshamy.kz.
Astana.tv saıtynyń aqparatyna súıensek, temekige qatysty DDSU talaptary: 4 el ǵana oryndaǵan
Búgingi tańda tek tórt el ǵana temeki shegýdi azaıtý úshin DDSU usynǵan barlyq talaptardy oryndap otyr. Bul - Brazılıa, Túrkıa, Nıderlandy jáne Mavrıkıı. Taǵy bir memleket Jańa Zelandıada 2009 jyldan keıin dúnıege kelgen azamattarǵa temeki satýǵa tyıym salynǵan. 2025 jylǵa qaraı bul el ózin shylymnan azat memleket retinde jarıalamaq. Shvesıa bıliginiń de osyndaı nıeti bar.
DDSU málimetinshe, álemde 2,5 mıllıardqa jýyq adam temeki shegýge qarsy kúreste áli de qorǵansyz. Statıstıka jantúrshigerlik: temeki jyl saıyn planetanyń 8,7 mıllıonnan astam turǵynyn óltiredi. Onyń mıllıonnan astamy - passıvti temeki shegýshiler, ıaǵnı, tútinniń janynda júrip qaıtys bolady.
Álem boıynsha, temeki shegýshilerdiń eń kóp kórsetkishi Bolgarıada, al eń azy - Shvesıada.
«Álemde tek 4 elde ǵana qajetti talaptyń bári oryndalǵan. Mysaly, qoǵamdyq jáne jumys ornynda shylym shegýge ruqsat berilmeıdi. Temeki ónimderine kóp salyq salynady. Ondaı taýardyń jarnamasy tolyqtaı buǵattalǵan. Al, atalǵan tórt memlekette bul ádetten arylý úshin tegin emdeý júıesi qarastyrylǵan»,- deıdi DDSU ókili Dýglas Betcher.