Almaty polısıa basqarmasy qyzmet babynda qaza tapqan áriptesteriniń balalary úshin Ystyqkólge demalys uıymdastyrdy
Qyzmet babynda qaza tapqan polısıa qyzmetkerleriniń balalary demalysqa analarymen birge bardy, dep habarlaıdy almaty-akshamy.kz
Demalýshylar sanatyna quqyq qorǵaý organdarynyń kóp balaly otbasylarynyń balalary, sondaı-aq múmkindigi shekteýli balalar da kirdi.
– Bizdiń ıgi bastamamyzdy keıbir janashyr azamattar birden qoldady, shyn júrekten rızashylyǵymyzdy, alǵysymyzdy bildiremiz. Balalar eki kezeńde demalady. Ol tek teńiz jaǵasynda demalýdy ǵana emes, sonymen qatar oıyn-saýyq, ıntellektýaldyq, shyǵarmashylyq qyzyǵýshylyqty qamtıdy. Sonymen qatar qyzyqty ekskýrsıalar josparlanǵan. Jalpy on kúndik demalys baǵdarlamasy óte qanyq jáne balalardyń jas sanatyna arnalǵan. Aıtpaqshy, bul jańa oqý jylynyń aldynda tek demalyp qana qoımaı, kúsh-qýat, jaǵymdy emosıalar men áser alýǵa jaqsy múmkindik, – dedi Almaty qalalyq polısıa departamentiniń bastyǵy Arystanǵanı Zapparov.
Anımatorlar, sıqyrshylar, týrıser jınaǵy balalardy tań qaldyrdy. Ásirese jasóspirimder polısıa tehnıkasynyń kórmesine qyzyǵýshylyq tanytty. Uldar men qyzdar moto-patrýl men saperdiń kıimderin kıip kórdi.