Qarjy mınıstrligi «Fıltrli, fıltrsiz sıgaretterge, papırostarǵa, sıgarıllalarǵa jáne qyzdyrylatyn temekisi bar buıymdarǵa eń tómen bólshek saýda baǵalaryn belgileý týraly» buıryqqa túzetýler ázirledi.
Naqtyraq aıtqanda, fıltrli, fıltrsiz sıgaretterge, papırostarǵa, sıgarıllalarǵa jáne qyzdyrylatyn temekisi bar buıymdarǵa eń tómen bólshek saýda baǵasyn mynadaı mólsherde belgileý usynylady, dep habarlaıdy Almaty-akshamy.kz Egemen.kz-ke silteme jasap.
- 2023 jylǵy 1 shildeden bastap 2023 jylǵy 31 jeltoqsandy qosa alǵanda 710 teńge;
- 2024 jylǵy 1 qańtardan bastap 770 teńge.
Túsindirilgendeı, temeki ónimderiniń eń tómengi bólshek saýda baǵasynyń kóterilý sebepteri:
- 2023-2024 jyldary aksız mólsherlemesiniń 14% artýy;
- ımporttyq shıkizat pen materıaldardyń quny orta eseppen 20% artýy;
- temeki ónimderiniń shıkizaty men quramdas bólikterin logıstıkanyń aıtarlyqtaı kúrdelenýi;
- 2022 jyly ınflásıanyń 20,3%-ǵa deıin ósýi.
Temeki men temeki shegýdi taratý men paıdalanýdy qysqartý aıasynda temeki baǵasy da kóteriledi.
Buıryq 2023 jyldyń 1 shildesinen bastap kúshine enedi dep kózdelip otyr.
Qujat 19 mamyrǵa deıin Ashyq NQA saıtynda jarıalanǵan.