Efırlik jelilerdiń tehnıkalyq quraldarynda josparly-profılaktıkalyq jumystar isteledi.
El aýmaǵynda teleradıoarnalardy retranslásıalaý ýaqytsha toqtatylady, dep habarlaıdy Almaty-akshamy.kz «Qazteleradıo» ulttyq operatoryna silteme jasap.
20 qazanda saǵat 03:00 men 17:00 aralyǵynda jerseriktik, sıfrlyq jáne analogty efırlik jelilerdiń tehnıkalyq quraldaryndaǵy servıster jabylyp, josparly-profılaktıkalyq jumystar júrgiziledi.
Osyǵan baılanysty, ıaǵnı jumystar júrgizilgen kezde Qazaqstannyń barlyq aýmaǵynda teleradıoarnalardy retranslásıalaý ýaqytsha toqtatylady.
«Qazteleradıo» AQ toqsan saıyn jerseriktik jáne efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar isteledi. Bul jumystar teleradıo habarlaryn sapaly taratýdy qamtamasyz etý úshin qajet, al toqsan saıynǵy josparly-profılaktıkalyq jumystar servısti uzaq ýaqyt óshirýge múmkindik beredi, sondyqtan osy ýaqyt ishinde tehnıkalyq quraldardy jańǵyrtý boıynsha qosymsha jumystar da isteledi. Ýaqytsha qolaısyzdyqtar úshin keshirim ótinemiz, - delingen habarlamada.