İİM esirtki taratýǵa qatysy bar qylmystyq toptarǵa tosqaýyl qoıdy.
Almaty jáne Semeı qalalarynda kannabıs tobynyń esirtki zattaryn satýmen aınalysqan almatylyq turǵyndar ustaldy, dep habarlaıdy Almaty-akshamy.kz
Esirtkini baılanyssyz tásilmen taratýǵa mamandanǵan uıymdasqan qylmystyq toptar Batys Qazaqstan, Abaı oblystarynda jáne Almaty qalasynda quryqtaldy.
Gashısh pen marıhýanany satý Telegram qosymshasy arqyly júzege asyrylǵan. Topty uıymdastyrýshy chat quryp, onda gashısh pen marıhýananyń ártúrli sorttarynyń quny týraly aqparat salyp otyrǵan. Toptyń basqa músheleri ózderine tıisti qylmystyq rólderge sáıkes esirtkini zańsyz saqtaýmen, dozalarǵa bólýmen, olardy Almaty men Semeı aýmaǵynda tasymaldaýmen jáne jasyrýmen aınalysqan.
Qylmystyq topqa qatysýshylar qamaýǵa alynyp, uıymdastyrýshyǵa izdeý jarıalandy. Jalpy bir kılogramnan astam gashısh tárkilendi. Oral qalasynda taǵy bir qylmystyq top ustaldy. Kúdiktiler kannabıs tobynyń esirtkisin satýmen aınalysqan.
Olardan 540 gram gashısh tárkilendi. Topty uıymdastyrýshy Telegram messendjerinde ınternet-dúken quryp, esirtki satýǵa basshylyq etken. Esirtkini ótkizý ınternet-dúkenniń ákimshisi jáne jaldamaly esirtki jasyrýshylar arqyly júzege asyrylǵan.
Jyl basynan beri İİM esirtki qylmysyna qarsy is-qımyl bólinisteriniń qyzmetkerleri barlyǵy 20 esirtki zerthanasyn joıdy, onyń ishinde segizinde sıntetıkalyq esirtki ázirlengen. Olardan paıdalanýǵa daıyn 129 kg sıntetıkalyq esirtki jáne 390 kg prekýrsor tárkilendi.
Sonymen qatar 12 fıtolaboratorıa anyqtalyp, olardan 34,5 kg kannabıs tobynyń esirtkisi tárkilendi. Bıyl polısıa alty uıymdasqan qylmystyq toptyń jolyn kesti.