Almatyda nóser jańbyr kezinde sý basýdy boldyrmaý úshin 465 birlik arnaıy tehnıka men 820 jumysshy jumyldyrylady, dep habarlaıdy almaty-akshamy.kz Almaty qalasy Komýnaldyq ınfraqurylymdy damytý basqarmasyna silteme jasap.
9 sáýirde saǵat 14.00-den keıin Almaty qalasynda jańbyr jaýady dep kútilýde, saǵat 16.00-den 20:00-ge deıin jaýyn-shashyn boljanyp otyr. Bıiktigi 15 mm-ge deıin jetedi.
320 jumysshy men 96 birlik arnaıy tehnıkanyń kúshimen sýdyń kedergisiz ótýin qamtamasyz etý maqsatynda aryq jelilerin, aryq ótkelderin jáne qoqysqa arnalǵan "oıyq jerge" tazalaý jumystary júrgizilýde.
Jaýyn-shashyn kezinde sý basýdyń aldyn alý jáne problemalyq ýchaskelerde sýdyń kedergisiz ótýin qamtamasyz etý úshin shans quralymen jabdyqtalǵan 52 jedel mobıldi brıgadanyń kezekshiligi uıymdastyrylatyn bolady. 2 myńnan astam qap qum daıyndaldy. Kúndiz 465 birlik arnaıy tehnıka, 29 motopompalar jáne 820 jol jumysshylary jumyldyrylady.
Aýa-raıynyń buzylýyna baılanysty júrgizýshilerge aǵashtardyń qulaý jáne elektr jelileriniń úzilý qaýpine baılanysty avtokólikti jol jıegine qoımaýǵa keńes beremiz. Sý tasqynynyń aldyn alý úshin qala turǵyndarynan aryq pen kanaldy qoqysqa toltyryp, bitep tastamaýdy suraımyz. Qandaı da bir aýmaqty sý bassa, jedel shara qoldaný úshin aýdan ákimdikterine júginýge nemese +7 706 689 8898 What’s app nómirine habarlama jazýǵa bolady.
«Qazgıdromet» RMK boljamy boıynsha erteń jańbyr jaýady, kúndiz aýa temperatýrasy +17...+19°S.