Búgingi kúni telefonsyz bir mınýt ýaqytyńyz ótpeıdi. Onyń betine úńilip, bir nárse kórmesek tura almaıtyn jaǵdaıǵa jettik. Sondyqtan telefondy qyzǵyshtaı qorǵaımyz. Ásirese jaýyndy kúni túpki qaltańyzǵa tyǵyp, sý tıýden saqtaısyz. Biraq, bolmashy ǵana ótken sý telefonyńyzdy isten shyǵaratyn kezder kezdesip jatady. Mundaı kezde ne isteýge bolady?
Aldymen qurylǵyny óshirip, ony qaptamasynan shyǵaryńyz. Sosyn múmkindik bolsa batareıany shyǵaryp, qurǵaq shúberekpen nemese súlgimen súrtip, qalǵan ylǵaldy ketirý úshin ony shaıqaý kerek. Munan keıin smartfonyńyzdy qosýǵa asyqpańyz. Kem degende bir kún keptirýińiz kerek. Keptegen qurylǵyny qosýǵa nıettenseńiz shatasasyz. Sebebi ishki tuıyqtalýdyń saldarynan telefonyńyz jaramaı qalý qaýpi basym.
Sarapshylardyń aıtýynsha, artyq ylǵaldy mınımaldy qýatta qosylǵan shańsorǵyshty paıdalaný arqyly keptirýge múmkindik bar.. Sondaı-aq, telefondy kúrish nemese sılıkageldi sharlarǵa salýǵa bolady. Biraq eskeretin jaǵdaı, olar smartfonnyń betindegi sýdy sińiredi. Qurylǵynyń ishindegi ylǵaldy keptire almaıdy. Sonan soń taǵy bir este saqtaıtyn jaǵdaı, sýǵa túsken telefonyńyzdy tikeleı kún túsetin jerde keptirýge bolmaıdy. Qurylǵy ishi býlanyp, odan ári sý jınalýy múmkin.