SIM-karta – málimetterdi saqtaıtyn qurylǵy
Telefonnyń SIM-kartasy fızıkalyq turǵyda tozyp, isten shyqqanyn kútip otyrýǵa bolmaıdy. Bul týraly telekomýnıkasıa salasynyń sarapshysy Grıgorıı Lysenko Sputnik radıosyna bergen suhbatynda aıtty, dep habarlaıdy Almaty-akshamy.kz.
Onyń aıtýynsha, SIM-karta ábden eskirip, tozǵan jaǵdaıda baılanys sapasy nasharlap, saqtalǵan derekter joǵala bastaıdy. Óıtkeni SIM-karta – málimetterdi saqtaıtyn qurylǵy, ıaǵnı kompúterdiń jedel jady dıskisi sıaqty. Biz onyń jadyna jańa derekterdi qosqanda nemese eski derekterdi joıǵan kezde ol eskire beredi, sondyqtan ony ár tórt-bes jyl saıyn aýystyryp otyrý kerek, dep sanaıdy reseılik sarapshy.
«Jady uıashyqtarynyń fızıkalyq tozýyna baılanysty SIM-karta eskiredi. Iaǵnı SIM-karta kompúter men smartfonnyń jedel jady dıskisi sekildi, oǵan málimetter kelip, saqtalyp turady. SIM-karta tozyp, isten shyǵý úshin 10-15 jyl kerek. Degenmen, onyń aldyn alý maqsatynda SIM-kartany jıi aýystyryp turǵan jón. Onyń tórt-bes jylda bir jasap turǵan durys»,-deıdi Grıgorıı Lysenko.
Keıde SIM-kartanyń qyzmet etýi tórt jylǵa da jetpeı qalady eken, sondyqtan keıbir telefon ıeleri ony jıi aýystyryp turady.
«Telekomýnıkasıa kompanıalarynyń keıbir klıentteri SIM-kartany jıi aýystyrady. Onyń basty sebebi – qońyraýdyń, ıaǵnı baılanystyń az bolýynan. Sondaı-aq SIM-kartanyń ishki baptaýlarynyń barlyǵy durys qoıylǵanymen ony jelige tirkeý múmkin bolmaı qalatyn kezder oryn alady. Mundaı jaǵdaıda da SIM-kartany aýystyrady,-deıdi sarapshy.