Jer silkinisi kezindegideı úı de qozǵaldy
Oqys oqıǵa 23 qańtar kúni tańerteń Almaty qalasynyń Taýgúl-1 yqsham aýdanynda oryn aldy, dep habarlaıdy Almaty-akshamy.kz Zakon.kz-ke silteme jasap.
Almatyda qalalyq PD-niń baspasóz qyzmeti qurylys alańynda kran qulap, mert bolǵan 49 jastaǵy kran júrgizýshisiniń ólimine qatysty tergeý qolǵa alynǵanyn jetkizdi.
Tergeý QR QK 277-baby 2-bóligi (taý-ken nemese qurylys jumystaryn júrgizý kezinde abaısyzda adam ólimine ákelip soqqan qaýipsizdik erejelerin buzý) boıynsha júrgiziledi. Sot-medısınalyq saraptama taǵaıyndaldy.
Kórshi kópqabatty turǵyn úı turǵyndarynyń aıtýynsha, terezeniń syrtynan dúńk etken qatty daýysty estigen, jer silkinisi kezindegideı úı de qozǵalǵan, dep habarlaıdy Sputnik Qazaqstan.
Birneshe mınýttan keıin oqıǵa ornyna polısıa men dárigerler kelip jetti.
Qazirgi ýaqytta Almatyda qatty jel joq, ekpini – 0,83 m/s.