«Ashyq» NQA portalynda jarıalanǵan tujyrymdama birneshe mańyzdy baǵytty qamtyǵan.
İshki ister mınıstrligi «Qoǵammen áriptestikte qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasyn» ashyq talqylaýǵa shyǵardy, dep habarlaıdy Almaty-akshamy.kz.
«Ashyq» NQA portalynda jarıalanǵan tujyrymdama birneshe mańyzdy baǵytty qamtyǵan. Tórtjyldyq jospar turǵyndar qaýipsizdigi jáne azamattardyń quqyq qorǵaý qyzmetkerlerimen áriptestikte jumys isteýine negizdelgen.
«Osy jobany qabyldaý onyń barlyq sýbektileriniń ortaq jaýapkershiligi negizinde quqyq buzýshylyq profılaktıkasynyń tutas júıesin qurý arqyly qoǵamdyq qaýipsizdikti qamtamasyz etý jónindegi sharalardyń tıimdiligin arttyrýǵa múmkindik beredi. İske asyrylyp jatqan sharalar Jahandyq beıbitshilik ındeksiniń, «WJP Rule of Law Index» zań ústemdigi ındeksiniń, Jol-kólik jaraqattary jónindegi dúnıejúzilik densaýlyq saqtaý uıymynyń reıtıńterindegi pozısıany jaqsartýǵa múmkindik beredi», - delingen qujatta.
Tujyrymdamany iske asyrý aıasynda myna sharalar qolǵa alynady:
- Zorlyq-zombylyq qurbandaryna (áıelderge, balalarǵa, qarttarǵa) keshendi kómek kórsetý qajettiligin eskere otyryp, óńirlerde daǵdarys ortalyqtary jelisin keńeıtý;
- Qoǵamdyq uıymdarmen jáne qaıratkerlermen birlese otyryp, daǵdarys ortalyqtary jumysynyń arnaýly áleýmettik qyzmetter kórsetý standartyna sáıkestigine turaqty monıtorıń júrgizý praktıkasyn engizý;
- Nekeni buzý prosesterinde otbasylyq daýlar men janjaldar boıynsha tegin medıasıa rásimin engizý;
- Tıisti standartty ázirleı otyryp, otbasylyq- turmystyq janjaldar kezinde agresorlardyń minez-qulqyn túzetý boıynsha psıhologıalyq kómek kórsetý baǵdarlamalaryn engizý;
- Bes jyldaǵy áıelder men balalarǵa qatysty zorlyq-zombylyqtyń aýqymynyń, sebepteri men saldarynyń dınamıkasy, sondaı-aq olardyń aldyn alý jónindegi sharalardyń tıimdiligi týraly zertteý júrgizý (BUU-nyń Qazaqstandaǵy beıindi agenttikterimen yntymaqtastyqta kelisim boıynsha);
- Abonenttik qurylǵylardy tirkeý qaǵıdalaryn saqtamaǵany úshin uıaly baılanys operatorlarynyń jaýapkershiligin engizý;
- Qazaqstannyń Eýropa Keńesiniń kompúterlik qylmysqa qarsy konvensıasyna qosylýy;
- Alkogól jáne esirtki boıynsha eýropalyq mekteptegi zertteýler jobasynyń (ESPAD) ádisnamasy boıynsha 14-18 jas aralyǵyndaǵy oqýshylar arasynda psıhıkalyq belsendi qoldanýdyń taralýyn baǵalaý boıynsha jylyna keminde 1 ret turaqty monıtorıń rásimin engizý jáne taǵy da basqa sharalar kesheni.
İshki ister mınıstrliginiń málimetine saı, osy jumystardy oryndaý nátıjesinde kóshede jalǵyz júrgende ózin tolyq qaýipsiz sezinetin adamdar úlesin 2028 jylǵa deıin 63,6%-ǵa jetkizý josparlanǵan.
Sonymen qatar, 2030 jylǵa qaraı 100 myń turǵynǵa shaqqanda jol-kólik oqıǵalary kezinde qaıtys bolǵandar sany 10,3-ke deıin tómendetý kózdelip otyr.
Buǵan qosa, Álemdik beıbitshilik ındeksi reıtıńindegi Qazaqstannyń pozısıasyn 85-orynnan 60-orynǵa deıin joǵarylatý.
Qujattyń tolyq mátinin myna silteme boıynsha ótip, kórýge bolady.