Almaty oblysynyń ákimi Qanat Bozymbaev Tekelide laı kóshkini kezinde kóz jumǵan qyzdyń otbasyna kóńil aıtyp, zardap shekkenderge qoldaý kórsetýge ýáde berdi.
15 mamyr kúni saǵat 12:00-de Tekeli qalasynda topyraqtyń artyq ylǵaldanýynan taý baýraıynyń eteginde ornalasqan turǵyn úıler laı kóshkininen zardap shekti, dep habarlaıdy Almaty-akshamy.kz
«Tekelide laı kóshkini júrdi. Birneshe jekemenshik turǵyn úı búlindi. Ókinishke qaraı, 2016 jyly týǵan qyz bala kóz jumdy. Jedel qyzmetter jumys istep jatyr. Zardap shekkenderge baspana berilip, kómek kórsetiledi. Marqumnyń jaqyndaryna qaıǵyra kóńil aıtamyn. Jany jánnatta bolsyn!», - dep jazdy óńir basshysy áleýmettik jelide.
Eske sala keteıik, kóshkin kezinde bes jasar qyz qaıtys boldy.