Oqıǵa ornyna Almaty oblysy TJD Órt synaq zerthanasy jiberildi.
Almaty oblysynyń Tekeli qalasynda 4 qabatty kóp páterli turǵyn úıdiń birinde órt shyqty. TJD qyzmetkerleri bir mezgilde órtti sóndire otyryp, azamattardy qutqarý jáne evakýasıalaý jumystaryn uıymdastyrdy, dep habarlaıdy Almaty-akshamy.kz QazAqparat cilteme jasap.
«6 adam qutqaryldy, onyń ishinde 3 bala, sondaı-aq 11 adam, onyń ishinde 4 bala evakýasıalandy. Órt ǵımarattyń shatyryna jáne kórshi páterlerge taralýyna jol berilmedi. Saǵat 16.48-de 16 sharshy metrdi sharpyǵan órt sóndirilgen (3-qabatta, eki bólmeli páter ishinde jıhaz ben zat janǵan). Oqys oqıǵadan eshkim zardap shekpegen», - delingen habarlamada.
Órt týraly habarlama Almaty oblysynyń TJD-syna saǵat 16.10-da kelip túsken.
«Joǵary dárejeli shaqyrtý boıynsha Tekeli, Taldyqorǵan qalalarynyń jáne Qarabulaq aýylynyń órt sóndirý bólimsheleriniń jasaqtary dereý jiberildi. Alǵashqy órt sóndirý bólimsheleri shaqyrtý ornyna belgilengen normatıvtik ýaqytta keldi. Páterdiń terezesinen jalyn baıqaldy, sondaı-aq barlaý barysynda turǵyndardy evakýasıalaý joldary qoıý tútin jáne ystyq bolǵany anyqtaldy. Órt kórshi páterler men ǵımarattarǵa qaýip tóndirdi», delingen habarlamada.
Qazir órt qalaı shyqqany anyqtalyp jatyr. Oqıǵa ornyna Almaty oblysy TJD Órt synaq zerthanasy jiberildi.
Órtti sóndirýge Almaty oblysy TJD-nyń 11 qyzmetkeri men 4 tehnıkasy, «Órt sóndirýshi» JSHS-nyń 3 qyzmetkeri men 1 tehnıkasy, Qalalyq polısıa bóliminiń 3 qyzmetkeri men 1 tehnıkasy jumyldyryldy.