Kúdiktilerdi qalanyń ár jerinde jeke-jeke ustady
4 mamyrda Jetisý oblysy Tekeli qalasynda polıseıler arnaıy operasıa júrgizip, óńirdegi esirtki taratý arnasyń joıdy, dep habarlaıdy Almaty-akshamy.kz.
Operasıa barysynda 4 esirtki satýshy anyqtalyp, marıhýananyń ár túrli dozasyn satý kezinde ustaldy.
«Ustalǵan adamdar esirtki zattaryn taratý jáne satý qylmystary boıynsha aıyptalady. Kúdiktilerdiń árqaısysyń qalanyń ár jerinde jeke-jeke ustady. Barlyǵy ýaqytsha ustaý ızolátoryna qamaldy. Tirkelgen faktiler boıynsha tergeý amaldary esirtki zattardy ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizýdi kózdeıtin QR QK-niń 297-babyna (1,3-b.) sáıkes júrgizilýde», - dep habarlady Jetisý oblysy PD esirtki qylmysyna qarsy is-qımyl basqarmasynyń bastyǵy Murat Jumabaev.
Jyl basynan beri óńirde zańsyz aınalymnan 30 keliden astam túrli esirtki zattary tárkilendi. Olardyń ishinde marıhýana, gashısh jáne «sıntetıka» dep atalatyn esirtki zattary bar.