Búgingi tańda Qazaqstanda adam papıllomasy vırýsyna (APV) qarsy vaksına 11-13 jas aralyǵyndaǵy 83,7 myńnan astam qyzǵa egildi, dep habarlaıdy aqshamnews.kz.
QR Densaýlyq saqtaý mınıstrliginiń máliámetinshe, ınfeksıalyq jáne onkologıalyq aýrýlar profılaktıkasynyń ulttyq baǵdarlamasynyń sheńberinde qazan aıynda qyzdardy adam papıllomasy vırýsyna (APV) qarsy vaksınasıalaý boıynsha aýqymdy naýqan bastaldy. APV - bul jatyr moıny obyryn qosa alǵanda, bir qatar onkologıalyq aýrýlardyń damýymen baılanysty eń kóp taralǵan vırýstardyń biri.
Qazaqstanda jatyr moıny obyry (JMO) barlyq jastaǵy áıelderdiń arasynda sút bezi obyrynan keıingi ekinshi jáne fertıldik jastaǵy (25-44 jas) áıelder óliminiń ekinshi sebebi bolyp tabylady.
Ulttyq kanser-tirkelimniń derekteri boıynsha Qazaqstanda jyl saıyn jatyr moıny obyrynyń 2000-ǵa jýyq jaǵdaıy anyqtalady, 600-den astam áıeldiń ómirin saqtap qalý múmkin emes. QazORǴZI zertteýiniń nátıjeleri boıynsha jatyr moıny obyrynyń 74,2% jaǵdaıynda bıopsıalyq materıalda adam papıllomasy vırýsynyń (APV) 16 jáne 18 onkogendik túrleri anyqtaldy.
Qazaqstanda ekpeler mektepterdiń medısınalyq kabınetterinde ata-analarynyń nemese zańdy ókilderiniń aqparattandyrylǵan kelisimin alǵannan keıin júrgiziledi. Ata-analardyń ótinishi boıynsha vaksınasıalaý tirkelgen jeri boıynsha emhanalarda da júrgizilýi múmkin.
Vaksınasıalanǵandardyń arasynda ımmýndaýdan keıin qolaısyz kórinister tirkelgen joq.
Jatyr moınynyń obyraldy zaqymdanýyn tómendetýde vaksınasıanyń joǵary tıimdiligi AQSH, Aýstralıa, Kanada, Danıa, Irlandıa, Shvesıa, Fınlándıa, Jańa Zelandıa, Shotlandıa jáne t. b. sıaqty elderde kórsetildi.
Senimdi aqparat alý úshin resmı derekkózderdi paıdalanýdy usynamyz: egu.kz saıty jáne QR Densaýlyq saqtaý mınıstrligi sanepıdbaqylaý komıtetiniń, Ulttyq Qoǵamdyq densaýlyq saqtaý ortalyǵynyń, KSEK aýmaqtyq bólimsheleriniń jáne densaýlyq saqtaý basqarmalarynyń resmı paraqtary.\
Sondaı-aq, halyqty ımmýndaý máseleleri boıynsha 7701 koll-ortalyǵy jumys isteıdi, onda APV-ǵa qarsy vaksınasıalaýdy qosa alǵanda, Qazaqstanda júzege asyrylatyn josparly egýler boıynsha suraqtarǵa jaýap alýǵa bolady. APV-ǵa qarsy vaksınasıalaý - bul tek jeke qorǵanys emes, sonymen qatar búkil qoǵamnyń densaýlyǵyna qosqan úles bolyp tabylady. Barynsha kóp adam egilse, soǵurlym bul vırýstyń aınalymyn shekteý tıimdi bolady.