Úkimet otyrysynda oqý-aǵartý mınıstri Ǵanı Beısembaev tehnıkalyq jáne kásiptik bilim berýdi transformasıalaý máselesine toqtalyp ótti, dep habarlaıdy aqshamnews.kz Oqý-aǵartý mınıstrligine silteme jasap.
Memleket basshysy Qazaqstan halqyna Joldaýynda 2025 jyldy «Jumysshy mamandyqtar jyly» dep jarıalaǵan bolatyn.
Ǵanı Beısembaevtyń aıtýynsha, óndiriske jańa tehnologıalardy ıntensıvti túrde engizý bilikti kadrlarǵa suranysty arttyryp, mamandarǵa qoıylatyn talaptardy aıtarlyqtaı ózgertti. Osylardy eskere otyryp, vedomstvo tehnıkalyq jáne kásiptik bilim beý júıesin damytý boıynsha jańa tásilderdi ázirledi. Birinshi kezekte kolejderdi óńirlerdiń ekonomıkasyna qaraı beıindeý júrgiziledi.
«Buny iske asyrý úshin óńirler ekonomıkasynyń qurylymyna taldaý júrgizildi. Onyń qorytyndysy boıynsha memlekettik organdarmen birlese otyryp, tórt makroóńir jáne olardyń damý baǵyttary aıqyndaldy. Osy baǵyttardy eskere otyryp, óńirlerdiń fokýsyn tehnıkalyq jáne kásiptik bilimge baǵyttaý úshin kolejderdi beıindeý jumystary bastaldy. Búgingi tańda óńirlerdiń ekonomıkasy qurylymdaryna sáıkes 195 kolej qaıta beıindeldi», - dep atap ótti mınıstr.
Osylaısha, elimizdegi jumys kúshiniń úshten birinen astamy shoǵyrlanǵan Qazaqstannyń ońtústik aımaqtarynda óndiristerdi lokalızasıalaý jáne ınfraqurylymdy damytý júrýde. Ortalyq jáne shyǵys oblystarda kadrlardyń salaaralyq jáne óńiraralyq aýysýyn qamtamasyz etý úshin odan ári ındýstrıalandyrý josparlanýda. Soltústik óńirlerde agrarlyq sektor qarqyndy júzege asyrylyp jatsa, batysta – iri kompanıalardyń aınalasynda jańa óndirister qurylýda.