Oqý-aǵartý mınıstrliginiń tehnıkalyq jáne kásiptik bilim departamenti eń suranysqa ıe baǵyttardyń reıtıńin jasady.
Bıyl memlekettik bilim berý tapsyrysy boıynsha 130 myńnan astam talapkerdi qabyldaý josparlanýda, onyń ishinde kásiporyndardyń ótinimderi boıynsha 10 myń stýdent bar, dep habarlaıdy Almaty-akshamy.kz.
Qazirgi ýaqytta eńbek naryǵynda kelesi baǵyttar suranysqa ıe:
• aqparattyq tehnologıalar;
• qurylys jáne komýnaldyq sharýashylyq;
• geologıa;
• taý-ken ónerkásibi;
• energetıka;
• metalýrgıa jáne mashına jasaý;
• kólik;
• baılanys;
• pedagogıka;
• medısına jáne t.b.
«Elimizdiń kolejderinde barlyǵy 517 myń stýdent oqıdy, onyń ishinde 312 myńy tegin tehnıkalyq jáne kásiptik bilimmen qamtylǵan. Bıyl memlekettik bilim berý tapsyrysy 50 myń orynǵa artady. Sonymen qatar jańa oqý jylynan bastap kolej stýdentteriniń stıpendıasy 50% - ǵa kóbeıedi», - dep jazdy mınıstrlikten.
Memlekettik tapsyrys boıynsha bilim alatyn stýdentter áleýmettik qoldaýmen qamtylady. Oǵan stıpendıa, tamaq jáne jolaqy kiredi.