Almaty halqy ózi týǵan qalasynyń uqypty ári taza bolǵanyn qalaıdy. Osy maqsatpen senbilik aksıasy ótti.
28 Panfılovshylar saıabaǵynda almatylyqtar senbilikke shyqty.
Atalǵan ıgi bastama respýblıkalyq «Taza Qazaqstan» aksıasynyń negizinde sondaı-aq «Almaty – bizdiń ortaq úıimiz» qalalyq naýqany aıasynda júzege asyryldy.
Munyń maqsaty – qala tazalyǵyn saqtap, ekologıalyq ahýaldy jaqsartý.
«Biz óz shaharymyzdyń ádemi, tap-taza bolǵanyn qalaımyz. Eshqandaı qoqys kóshede, aýlada shashylyp jatpasa eken. Eger ár azamat óz mańaıyna uqypty qarasa, ekologıalyq belsendilik arta túsedi», – dedi erikti Jaras ERKİNBEK.
Sonymen qatar atalǵan aksıaǵa ár sanattaǵy adamdar da kelip qatysyp, jappaı tazalyqqa óz úlesterin tıgizdi.
«Buryn Almaty jap-jasyl bolatyn. Kóshedegi aryqtardan sý móldirep aǵatyn. Tipti aport ósken kezder de este. Búgin qalanyń shyraıyn kirgizý úshin kóptegen ister jasalyp jatyr. Ár iske bereke bersin, qalamyz gúldene bergeı», – dedi qala turǵyny Qarjaýbaı AQTAZOV.