Bul senbilik Oraza aıynyń alǵashqy kúnimen tuspa tus kelip otyr
Búgin Almaty oblysynda senbilik ótip jatyr. Tazalyq sharasynda 50 myńdaı azamat belsene at salysýda, dep habarlaıdy Almaty-akshamy.kz Almaty oblysy ákiminiń baspasóz qyzmetine silteme jasap.
Taldyqorǵan qalasynda ótken senbilikke qatysqan oblys ákimi Qanat Bozymbaev:
«Bul senbilik Oraza aıynyń alǵashqy kúnimen tuspa tus kelip otyr. Bar musylman Oraza aıyn saǵynyshpen kútedi. Oraza - jan tazalyǵyna bastaýshy aı. Qabyl bolsyn! Bizdiń búgin senbilikke shyǵyp, aýlamyzdy, kóshemizdi, qalamyzdy tazartýymyz da saýapty is. Sońǵy eki jylda pandemıadan osyndaı senbilikke shyǵa almadyq. Búgin sol ıgi dástúrdi qaıta jańǵyrtyp, belsendilerdiń bastamasymen senbilik uıymdastyrylýda. Turǵyndar óz qalaýymen tazalyq jumystaryna at salysyp, bereke-birligin kórsetip jatyr», - dedi Qanat Bozymbaev.
Tazalaý, abattandyrý men kógaldandyrý sharalaryna oblystaǵy barlyq mekeme, uıymdar, komýnaldyq qyzmet salalary belsene qatysyp jatyr. Atap aıtqanda, oblys boıynsha 50 myńdaı azamat 4 myńdaı kósheni, 18 myńdaı alańqaıdy qoqystan tazartýda. Sol sıaqty aımaqtaǵy 200-deı saıabaqty, 950 shaqyrym aryqty qoqystan aryltyp, 14 myńdaı kóshet egý josparlanǵan.