Bedeldi halyqaralyq QS Stars Rating System reıtıńinde ýnıversıtet joǵary baǵa – «4 juldyz» ıelendi
QS Stars QS Quacquarelli Symonds (QS) álemdik reıtıńiler qyzmetteriniń portfeline kiredi. Bul reıtıńiniń negizgi ereksheligi - taldaý joǵary oqý oryndaryn basqa joǵary oqý oryndarymen salystyrýǵa emes, ýnıversıtettiń myqty tustary men artyqshylyqtaryna basa nazar aýdarýǵa negizdelgen.
QS Stars ýnıversıtetter qyzmetiniń keń aýqymyn jáne onyń joǵary halyqaralyq standarttarǵa sáıkestigin kórsetetin 50-den astam kórsetkishter negizindegi keshendi taldaý nátıjeleri boıynsha jalpy 0-den 5+ juldyzǵa deıingi shkala arqyly ýnıversıtetterdi baǵalaıdy, dep habarlaıdy Almaty-akshamy.kz.
QS Stars reıtıńi boıynsha Abaı atyndaǵy QazUPÝ (Abai University) 4 sanat boıynsha «5 juldyz» marapatyna ıe boldy: «Bilim berý», «Onlaın oqytý», «Jumyspen qamtý» jáne «Inklúzıvtilik». Kez kelgen ýnıversıtet úshin bul sanattar erekshe mańyzdy, óıtkeni olar ýnıversıtet qyzmetiniń negizgi mánin qamtıdy. «Bilim berý» sanaty stýdentterdiń oqytýshy-professorlar quramyna qatynasyn, jalpy stýdentterdiń qanaǵattanýyn jáne bilim sapasyna, sondaı-aq olardyń aldaǵy jyldarda magıstratýra men doktorantýrada oqýyn jalǵastyrý nıetin baǵalaıdy.
QS Stars reıtıńiniń 5 juldyzyna baǵalanǵan joǵaryda atalǵan sanattar (qyzmet túrleri), qoǵamǵa, bizdiń barlyq steıkholderlerge aıqyn baǵdar beredi - Abaı ýnıversıtetiniń stýdentteri suranysqa ıe mamandyqtar boıynsha dástúrli jáne onlaın oqý arqyly sapaly bilim alady, muny bizdiń túlekterimizdiń jumysqa ornalasýynyń joǵary deńgeıi dáleldeıdi.
Jyldam ózgeretin tehnologıalyq álem jáne kútpegen jerden kelgen pandemıa jaǵdaıynda, bilim vırtýaldy keńistikke jyldam aýysqanda, ýnıversıtet sıfrlyq platformalardaǵy jumysyn qaıta qurylymdaýǵa qol jetkizdi, sondyqtan «Onlaın oqytý» sanatynda oqý orny 5 juldyzǵa laıyqty dep tanyldy. Ýnıversıtetke ınklúzıvtilik qaǵıdatyn ustaný nomınasıasy boıynsha da «5 juldyz» berilgenin qýana atap ótýge bolady. Ýnıversıtette múmkindigi shekteýli stýdentterge keńes berý-tájirıbelik qoldaý kórsetý ortalyǵy jumys isteıdi, kitaphana erekshe bilim alýǵa qajettilikteri bar stýdentterge arnalǵan arnaıy oryndarmen jabdyqtalǵan jáne t.b.
Ýnıversıtet jumyspen qamtý boıynsha «5 juldyz» belgisin alady dep kútilgen bolatyn, óıtkeni QS Graduate Employability Rankings jyl saıynǵy esebinde - Abaı ýnıversıteti túlekteriniń jumysqa ornalasýy boıynsha álem ýnıversıtetteriniń reıtıńisinde «Jumysqa ornalasqan túlekterdiń úlesi» kórsetkishi boıynsha 38-orynǵa ıe boldy. Bul kórsetkish túlekterdiń de, ýnıversıtettiń de básekege qabilettiliginiń eń mańyzdy kórsetkishi bolyp tabylady. Abaı ýnıversıteti bilim berý baǵdarlamalaryn jobalaý kezeńinen bastap, tájirıbeden ótý barysynda jumysqa ornalasýǵa deıin jumys berýshilermen tyǵyz qarym-qatynasta bolady, dýaldy oqytý elementterin engizedi, praktıkalyq bazalarda kafedra fılıaldaryn qurady. Ýnıversıtette turaqty túrde «Bos jumys oryndary jármeńkeleri» ótkizilip, jumyspen qamtý máseleleri boıynsha keńester beriledi, stýdentterge jumys izdeýge arnalǵan mobıldi qosymsha jasaldy. Munyń barlyǵy túlekterdiń jumysqa ornalasýynyń joǵary deńgeıi túrinde nátıjelerin beredi. Búgingi kúni bizdiń túlekter elimizdiń túkpir-túkpirinde jumys isteýde jáne QS Stars saýalnamasy boıynsha jumys berýshilerden oń pikirlerin aldy.
Internasıonaldandyrý ózara árekettesýdi, halyqaralyq jáne ǵylymı yntymaqtastyqty, akademıalyq utqyrlyq pen stýdent almasýdy, sheteldik stýdentter sany men ulttyq san alýandylyqty qamtıdy. Osy is-sharalardyń barlyǵy ýnıversıtettiń halyqaralyq arenadaǵy bedeline áser etedi. Bul kategorıa boıynsha ýnıversıtet reıtıńisi 4 juldyzdy quraıdy. Ýnıversıtet áleýmettik jaýapkershilik qaǵıdatyn júzege asyrǵany úshin de 4 juldyzǵa ıe boldy. Ýnıversıtette qorshaǵan ortany qorǵaý, aınaladaǵy qoǵamǵa qyzmet etý, mańyzdy qaıyrymdylyq jáne volonterlik jobalardy júzege asyrý maqsatynda kóptegen sharalar uıymdastyrylatyny barshaǵa málim. Máselen, «Akselerator dobra: Izgilik elshisi» eriktiler qozǵalysy respýblıkalyq deńgeıde keń qoldaýǵa ıe boldy.
Ýnıversıtet úshin mańyzdy jetistiktiń biri - «Pedagogıka jáne psıhologıa» bilim berý baǵdarlamasynyń «Kúshti baǵdarlama» sanatyna enýi bizdiń mamandandyrylǵan pedagogıkalyq ýnıversıtet retindegi mamandyǵymyzdy taǵy bir márte rastap, elimizde ǵana emes, álemdik deńgeıde de óz ornyn kórsetedi.
Úsh juldyzben baǵalanǵan ǵylymı-zertteý qyzmetiniń sanaty odan ári damý núktesin kórsetetinin atap ótken jón. Ǵylymı granttar konkýrstaryna qatysýdy belsendendirý, bedeldi basylymdardaǵy jarıalanymdar sanyn kóbeıtý, sáıkesinshe dáıeksózder sanyn arttyrý jáne t.b. - pedagogıkalyq zertteý ýnıversıtetine aınalý jolynda erekshe kóńil bólinetin bolady.
QS Stars maquldaǵan «tórt juldyz» - bul Abai University – diń jahandyq ǵylymı-bilim berý keńistigindegi básekege qabilettiligi men joǵary akademıalyq bedelin moıyndaý, onyń ınklúzıvti bilim berý ıdeıasyn ustanatyndyǵynyń jáne ornyqty damý maqsattarynyń biri – «ornyqty damý maqsatyndaǵy bilim» ekendiginiń dáleli.
