Qala turǵyndary men qonaqtaryna arnalǵan erekshe eko-aksıa
Qalalyq Týrızm basqarmasy Almaty Tourism Bureau-men birlesip, qala turǵyndary men onyń qonaqtaryn 30 sáýir kúni saǵat 10:00-den 14:00-ge deıin «Aıýsaı» men «Gorelnık» vızıt-ortalyqtarynyń aýmaǵynda ótetin «Taza taýlar: qoqys jınap, túski asty tegin al» aksıasyna shaqyrady.
Aksıa «Almaty - bizdiń ortaq úıimiz» jalpyqalalyq naýqany aıasynda ótedi. Shara jergilikti turǵyndar men álemniń túkpir-túkpirinen keletin týrıserdiń súıikti demalys ornyna aınalǵan İle Alataýdyń biregeı tabıǵatynyń tazalyǵyn saqtaýǵa baǵyttalǵan.
Aksıaǵa qalanyń barsha turǵyndary men qonaqtary qatysa alady. «Aıýsaı» men «Gorelnık» vızıt-ortalyqtarynyń aýmaǵynda Visit Almaty stendteri qoıylady. Munda nusqaýlyqtar men keńes berý sharasy júrgiziledi. Qatysýshylar qoqysty dorbaǵa salyp, ony Visitalmaty stendteri turǵan jerden tegin túski asqa aıyrbastaı alady.
İs-sharaǵa qatysý úshin yńǵaıly qorǵanys kıimi men aıaq kıim, bas kıim, aýyz sý, kúnnen qorǵaıtyn kózildirik pen krem alý kerek.
Tirkelý jáne qosymsha aqparat alý úshin: +7 701 727 6672 (Jánibek), +7 747 272 0098 (Asylhan).
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.