Atalmysh shara barlyq 14 erekshe qorǵalatyn tabıǵı aýmaqtarda aýa-raıyna baılanysty 27 naýryz jáne 24 sáýirde ótkiziledi.
27 naýryzda «Kólsaı kólderi», «İle-Alataýy», «Sharyn», «Altyn Emel», «Jońǵar Alataýy», «Saıram-Ógem» ulttyq parkteriniń, «Qarataý», «Ústirt», «Almaty», «Alakól», «Barsakelmes», «Aqsý-Jabaǵyly» qoryqtarynyń jáne «İle-Balqash», «Aqjaıyq», «Yrǵyz-Torǵaı» rezervaty ókilderi, jergilikti halyq, eriktilermen birlesip 18 tonnadan astam qoqys jınady, dep habarlaıdy aqshamnews.kz.
Bul qurǵaǵan butalar, qys mezgilinen keıin qulaǵan aǵashtar, turmystyq qaldyqtar, túsken japyraqtar men balshyq shógindileri. İs-sharaǵa 800-den astam adam qatysty.
Mundaı aksıalar biregeı ekojúıelerdi saqtaýǵa jáne qorshaǵan ortanyń lastanýyn boldyrmaýǵa baǵyttalǵan. Esterińizge sala keteıik, «Taza aımaq» aksıasy «Taza Qazaqstan» ekologıalyq mádenıetin damytý tujyrymdamasy aıasynda júzege asyryldy.
Ekologıa mınıstrligi barlyq qazaqstandyqtardy ekologıalyq bastamalarǵa belsendi túrde qatysýǵa jáne qorshaǵan ortany qorǵaýǵa óz úlesterin qosýǵa shaqyrady.