Memleket basshysynyń ekologıalyq baǵyttaǵy qalalardy damytý jónindegi tapsyrmasyna sáıkes, Qazaqstan Respýblıkasy Úkimeti 2024–2029 jyldarǵa arnalǵan «Taza Qazaqstan» tujyrymdamasyn bekitti. Osy tujyrymdamany jergilikti deńgeıde iske asyrý maqsatynda Almaty qalasy ákimdigi 2025–2029 jyldarǵa arnalǵan keshendi jospar ázirledi. Búgin bul jospar depýtattardyń nazaryna usynyldy.
Jospar jalpy úsh negizgi baǵyt boıynsha 45 naqty is-sharany qamtıdy: ekologıalyq oılaý men minez-qulyqty qalyptastyrý, ekologıalyq bilim berý jáne ekologıalyq aǵartý men aqparattyq qamtý. Árbir is-shara jyldar boıynsha bólinip, salalyq organdarǵa bekitilgen. Sonymen qatar, olardyń naqty sandyq jáne sapalyq nátıjeleri josparlanǵan.
Ekologıalyq oılaý men minez-qulyq baǵyty halyq pen bıznestiń ekologıalyq jaýapty ustanymyn damytýǵa baǵyttalǵan. Bul baǵyt aıasynda qalada kameralar men dachıkter ornatý, sýmen jabdyqtaý júıesin sıfrlandyrý, fandomattar men ekobokstardy engizý, qaldyqtardy qaıta óńdeý jobalaryn iske asyrý, yntalandyrý sharalary uıymdastyrý jáne qoǵamdy keńinen qatystyrý bastamalary josparlanǵan.
Ekologıalyq bilim berý baǵyty balalar men jastardyń tabıǵatty qorǵaýǵa degen sanaly kózqarasyn qalyptastyrýdy kózdeıdi. Josparda ekologıalyq baıqaýlar men aksıalar ótkizý, «Jasyl balabaqsha» jobasyn damytý, mektepterde ekosabaqtar uıymdastyrý, pedagogtardyń biliktiligin arttyrý baǵdarlamalaryn engizý kózdelgen.
Ekologıalyq aǵartý jáne aqparattyq qamtý baǵyty halyqtyń ekologıalyq saýattylyǵyn arttyrýǵa baǵyttalǵan. Bul baǵyt sheńberinde «Taza Qazaqstan», «World Clean-up Day» sıaqty halyqaralyq bastamalardy júzege asyrý, ekologıalyq beınerolıkter shyǵarý, mádenı is-sharalar uıymdastyrý, buqaralyq aqparat quraldarynda ekologıa taqyrybyn keńinen jarıalaý, sondaı-aq «Jasyl mektep» jáne «Jasyl keńse» jobalaryn iske asyrý josparlanyp otyr.
Atalǵan jospardy tolyqqandy iske asyrý Almaty qalasynda ekologıalyq mádenıetti júıeli túrde qalyptastyrýǵa, halyqtyń tabıǵatty qorǵaý isine belsendi qatysýyn qamtamasyz etýge, qalalyq ortanyń sapasyn arttyrýǵa jáne turǵyndardyń ómir súrý deńgeıin jaqsartýǵa múmkindik beredi.
Qala men turǵyndardyń múddesi úshin «Taza Qazaqstan» tujyrymdamasyn iske asyrý jónindegi Jospardy qoldaý jáne bekitý usynylady.