Armıa úıinde Dostastyqtyń Qorǵanys mınıstrleri keńesi janyndaǵy Áýe shabýylyna qarsy qorǵanys máseleleri jónindegi úılestirý komıtetiniń 60-shy jumys otyrysy ótti, dep habarlaıdy aqshamnews.kz.
Oǵan Belarýs, Qazaqstan, Qyrǵyzstan, Reseı, Tájikstan, Ózbekstan Qarýly Kúshteriniń áýe-ǵaryshtyq, áskerı-áýe kúshteri men áýe shabýylyna qarsy qorǵanys áskerleriniń qolbasshylary (bas qolbasshylary), Táýelsiz Memleketter Dostastyǵynyń jarǵylyq organdary men qorǵanys-ónerkásip kesheniniń ókilderi qatysty.
Otyrysqa qatysýshylarǵa Qorǵanys mınıstriniń orynbasary – Qazaqstan Qarýly Kúshteri Áýe qorǵanysy kúshteriniń bas qolbasshysy avıasıa general-leıtenanty Dáýren Qosanov sóz sóıledi.
– Ushqyshsyz basqarylatyn avıasıalyq júıelerdi paıdalaný qazirgi zamanǵy qarýly qaqtyǵystardyń ajyramas elementine aınaldy, sondyqtan biz bir qadam alda bolýymyz kerek. Bul bizdiń elderdiń kúsh-qýatyn úılestirýmen qatar, elektrondy zaqymdaý quraldaryn anyqtap, olardy únemi jańartyp otyrýdy talap etedi, – dedi ol.
Otyrysta Dostastyqtyń birikken áýe qorǵanysy júıesin jetildirýdiń ózekti máseleleri jáne odan ári ózara is-qımyldyń perspektıvalary da qaraldy. Odan bólek, bıyl tamyz – qyrkúıek aılaryna «Saryshaǵan» polıgonynda josparlanǵan «Jaýyngerlik dostastyq-2025» birlesken oqý-jattyǵýyn ótkizý tártibi men ıdeıasy talqylandy.
İs-sharalar sheńberinde 97617 jáne 78639 áskerı bólimderiniń bazasynda TMD elderiniń áýe-ǵaryshtyq, áskerı-áýe kúshteri jáne áýe shabýylyna qarsy qorǵanys áskerleri qolbasshylarynyń qatysýymen oqý-ádistemelik jıyn ótti. Sol jıynda qarsylastyń dıversıalyq-barlaý toptarynyń qarsy is-qımyly kezindegi S-300PS zenıttik zymyran dıvızıonynyń pozısıasyn ózgertý sharalary pysyqtaldy. Áýe shabýylyna qarsy qorǵanys áskerleri komandalyq pýnktiniń kezekshi aýysymy jaýyngerlik mindetterdi oıdaǵydaı oryndap shyqty.
Dostastyq elderiniń ókilderi 28 gvardıalyq-panfılovshylar saıabaǵyndaǵy Dańq memorıalyna gúl shoqtaryn qoıý rásimine qatysyp, Armıa úıindegi Áskerı-tarıhı mýzeıdiń fılıalyna bardy. Sheteldik qonaqtar budan basqa, «Granıt» arnaıy konstrýktorlyq-tehnologıalyq búrosy» JSHS qyzmetimen tanysty.
Ótken is-shara TMD ÁSHQQ birikken júıesin qurýdyń 30 jyldyq mereıtoıy aıasynda erekshe mańyzǵa ıe. Úılestirý komıtetiniń otyrysy men oqý-ádistemelik jıyn Dostastyqqa múshe memleketterdiń áýe shabýylyna qarsy qorǵanys salasyndaǵy yntymaqtastyqty odan ári damytýǵa jáne nyǵaıtýǵa degen umtylysyn kórsetti, bul óńirdegi turaqtylyq pen qaýipsizdikti qamtamasyz etýdiń mańyzdy faktory.