Álimjan Qasymuly, qala turǵyny:
Alǵashqylardyń biri bolyp referendýmda óz tańdaýymdy jasadym. Qaptaǵan kólik, qalany basqan tútin, ekologıanyń nasharlaýy — bári de bizdiń densaýlyǵymyzǵa keri áserin tıgizip jatyr. Taza aýada dem alýǵa múmkindigi joq qala turǵyndary úshin bul úlken másele.
Atomdyq energıa — taza, qaldyqsyz ári ekologıaǵa zıan keltirmeıtin energıa kózi. Bul — kóliktiń kóptiginen jáne óndiristen týyndaǵan tútinnen arylyp, bolashaq urpaqqa taza aýa qaldyrýdyń birden-bir joly dep bilemin.
Referendýmda jasalǵan bul tańdaý bolashaqta bizge ekologıalyq máselelerdi sheshýge jáne densaýlyqqa zıandy faktorlardy azaıtýǵa kómektesedi. Taza energıa — taza bolashaqtyń kepili!