Qazaqstannyń eńbek sińirgen óner qaıratkeri, «Dos-Muqasan» ansambliniń kórkemdik jetekshisi jáne negizin qalaýshy, kompozıtor Murat Qusaıynov Qazaqstanda atom elektr stansıasyn (AES) salý máselesi boıynsha referendýmǵa qatysty, dep habarlaıdy aqshamnews.kz.
Ol Almatydaǵy Ortalyq stadıon aýmaǵynda ornalasqan № 262 saılaý ýchaskesine keldi.
«Búgin bizdiń memleketimiz úshin aıtýly kún. El birligi bizdiń qolymyzda. Men referendýmǵa kelip, eldiń múddeleri men azamattardyń ál-aýqatyn basshylyqqa ala otyryp, óz tańdaýymdy jasadym. Bul bizdiń elimizdiń jáne bizdiń urpaǵymyzdyń bolashaǵy úshin úlken sheshýshi sát», - dep atap ótti tanymal kompozıtor.
Esterińizge sala keteıik, búgin Qazaqstan aýmaǵynda AES salý máselesi boıynsha respýblıkalyq referendým ótýde. Almaty ákimi Erbolat Dosaev jubaıymen birge №48 mektep-lıseıdegi №388 saılaý ýchaskesine alǵashqylardyń biri bolyp kelip, daýys berýge qatysty. Almatylyqtar turǵylyqty jeri boıynsha saılaý ýchaskelerine baryp, saǵat 20.00-ge deıin óz daýystaryn bere alady.