Egemendikke eren eńbek pen erlik jetkizdi
Ár halyqtyń sanasynda eń qasterli uǵym bolsa, ol – táýelsizdik, ıakı, eldiń eldigine degen maqtanysh. Bıyl egemendik alǵanymyzǵa 30 jyl tolyp otyr. Osy uly qýanysh qarsańynda Elbasymyz «Táýelsizdik taǵylymy» taqyrybynda maqalasyn jarıalady. Maqalada Elbasy ótken kúnderdi sholyp, otyz jylda atqarylǵan isterge toqtalady. Halyqqa alǵysyn aıtady.
«30 jyl. Adamzat tarıhy úshin qas-qaǵym sát, al táýelsiz Qazaqstan úshin bul – úlken beles. Táýelsizdikti baǵalaý bar, qurmetteý lázim. Sondaı-aq taǵylym alý da kerek. «Torqaly toı qarsańynda táýelsizdikten taǵylym alý úshin búgin týǵan halqymmen oı bólisýdi jón kórdim» dep bastaıdy Elbasy maqalasyn.
Óz oıymsha, jastar úshin, Táýelsizdikte týǵan urpaq úshin úlken kerek maqala boldy dep oılaımyn.
Egemendikke eren eńbek pen erlik jetkizdi. Elbasy maqalada osy qaǵıdany qaıta qaperge aldy. «Eńbek et, otbasyńdy asyra, elińe qyzmet qyl: óziń de tabysty bol, Otanyńnyń da qýaty artady» degen.
«Men otyz jyl boıy halqymdy qanattyǵa qaqtyrmaı, tumsyqtyǵa shoqyttyrmaı, qaırańǵa qaldyrmaı, álemdik órkenıettiń aldyńǵy shebine, dúnıedegi eń damyǵan 40 eldiń qataryna qostym. Osy jyldar ishinde álemdik ǵylym men mádenıettiń eń úzdik jetistikterin meńgergen jańa urpaq qalyptasty. Jańa Elordamyz salyndy. Eń úlken tabysym da, eń úlken baqytym da osy dep sanaımyn. Shekarany shegendemeı táýelsizbiz deý - shıkilik. Áli kúnge jer daýlap jaýlasyp júrgen elder bar. Biraq Qazaqta qazir bul jaǵynan problema joq».
Sı Szınpın aıtypty: «Sizge degen qurmetim - sizdiń halqyńyzǵa degen qurmetim dep bilemin. Sondyqtan da men siz usynyp otyrǵan shekara boıyn siz usynǵan qalypta qabyldaımyn» - dep. Bereke – beıbitshilikte. Qazaq munyń qadirin jaqsy biledi.
Óz maqalasynyń sońynda Elbasymyz «Dıirmenniń tasyndaı dóńgelengen dúnıe» bir ornynda turmaıtyny belgili. Prezıdent aýysady, biraq Táýelsizdik máńgilik bolýy kerek. Ár qazaqstandyq aldaǵy ýaqytta onyń tuǵyryn nyqtap, eńsesin tiktep, abyroıyn asyrýǵa qyzmet etýge tıis. «Máńgilik el» ıdeıasynyń túpki maqsaty osynda. Eń bastysy – elimiz aman, urpaǵymyz azat. Biz alaqanǵa salyp ósirgen sol azat urpaq endigi jerde «Men Qazaqstanyma ne beremin?» degendi oılaýy kerek» - dep tolǵanady.
Táýelsizdikke berik irgetas bolyp qalanǵan babalarymyzdyń asyl muraty – erlik pen eldigimizden kúsh-qýat alyp, árdaıym alǵa basa bereıik, aǵaıyn!