Almaty ákimi Baqytjan Saǵyntaev turaqty ekotýrızmdi damytý sharalary aıasynda qurylǵan jańa týrısik nysanmen tanysty
Jeke ınvestor júzege asyrǵan joba – qoǵamdyq tamaqtandyrý pýnkti, týrısik qural-jabdyqtar dúkeni jáne qoǵamdyq vanasy bar týrısik aqparattyq ortalyq, dep habarlaıdy Almaty-akshamy.kz
Vızıt-ortalyqta «İle-Alataý» ulttyq parki týraly barlyq qajetti aqparatty alýǵa bolady, ol úshin munda Visit Almaty ınfostoıkasy ornatylǵan, konsýltanttar jumys isteıdi. Munda týrısik baǵyttar, soqpaqtar týraly derekter, ulttyq park aýmaǵyndaǵy obektilerdiń baılanystary jáne qaýipsiz jáne jaıly týrızm úshin qajetti jabdyqtar usynylady.
«Biz Táýelsizdik kúni sıaqty tamasha merekede vızıt-ortalyqty ashýǵa qýanyshtymyz. Bógetke barar jolda biz demalýshylar úshin 15 oryndyq ornattyq. Sondaı-aq, jaıaý júrginshiler aımaǵyn abattandyratyn bolamyz», - dedi «Taý Jol Shymbulaq» JSHS basshysy Sergeı Spısyn.
«Medeý» BSK vızıt-ortalyǵy jalpy alańy 208 sh.m aýmaqta ornalasqan, ınvestısıa kólemi – 100 mln teńge, 50 jumys orny qurylǵan.
Taýlarda qaýipsiz jáne jaıly bolýdy qamtamasyz etý maqsatynda Tuıyq-sý shatqalynda tikushaq alańynyń qurylysy júrgizilýde. Budan basqa, spýtnıktik baılanysy jáne SOS dabyl túımeleri bar taýly marshrýttardyń shalǵaı toraptyq ýchaskelerinde 15 taý qutqarý saıatshalary ornatyldy.
2 arnaıy baqylaý-qutqarý pýnkti daıyndaldy, olar taýly jerlerde ornalasqan, munda 16 qutqarýshy táýlik boıy kezekshilik jasaıdy. Kımasar shatqalynda dabyl túımelerin baqylaý júıesiniń pılottyq jobasy iske qosyldy.
Búginde taýly jerlerde 1000 shaqyrymnan astam jaıaý júrý marshrýttary sıfrlandyryldy, olardyń 500 shaqyrymy abattandyryldy. Olardyń barlyǵy 2GIS jáne ViewRanger platformalarynda qoljetimdi. Bul marshrýttarda QR-kodtary bar stendterdi qosa alǵanda, barlyq qajetti aqparattyq derekter ornatylǵan, onda týrıser marshrýttyń kúrdeliligimen, onyń uzaqtyǵymen jáne ótý ýaqytymen tanysa alady.
Budan basqa, Úlken jáne Kishi Almaty shatqaldarynda aǵymdaǵy jyldyń sońyna deıin jalpy uzyndyǵy 179 km bolatyn taý marshrýttaryn abattandyrýdy aıaqtaý josparlanýda. Sondaı-aq Gorelnık, Prosveshenes, Qyzylsaı, Kazachka jáne «Lýnnaıa» alańqaıynda 6 kempıng-aımaq qurý boıynsha jumys júrgizilýde.