mańyzdy qujatqa sholý jasaldy
Respýblıka kúni qarsańynda Almaty qalasy Qoǵamdyq damý basqarmasy jáne Pedagogıkalyq Ǵylymdar akademıasynyń uıymdastyrýymen 19 qazan kúni Dostyq úıinde «Egemendik deklarasıasy – táýelsizdik bastaýy» taqyrybynda ǵylymı-praktıkalyq konferensıasy ótti.
İs-sharaǵa XII shaqyrylǵan Qazaqstan Respýblıkasy Joǵarǵy Keńesiniń depýtattary, zıaly qaýym, ǵylymı jáne shyǵarmashylyq salasynyń qaıratkerleri men Almaty qalasy máslıhaty depýtattary, sondaı-aq, Almatydaǵy JOO jáne kolejderdiń profesor-oqytýshylar qaýymy, magıstranttar men doktoranttar, BAQ quraldary ókilderi qatysty. İs-shara aıasynda QR Prezıdenti arhıvi uıymdastyrýymen taqyryptyq kórme uıymdastyryldy.
Maqsaty – táýelsizdiktiń bastaýy bolǵan qujattyń mańyzdylyǵyn aıshyqtap, egemendikti nyǵaıtyp, eldi odan ári damytýǵa baǵyttaıtyn is-sharanyń halyqtyń ál- aýqatyn arttyrýǵa jáne saıası transformasıany iske asyrýda mańyzy zor.
Konferensıada tarıhı kúnniń basy-qasynda bolyp, qundy qujattyń qabyldanýyna atsalysqan Joǵarǵy Keńes Tóralqasynyń múshesi, komıtet tóraǵasy, XII shaqyrylǵan Qazaq KSR Joǵarǵy Keńesiniń depýtaty, QR Memlekettik syılyqtyń laýreaty Orazaly Sábden Táýelsizdik alǵan ýaqyttaǵy sátterin erekshe tebirenispen eske aldy.
– Qazaq KSR Joǵary Keńeste egemendik týraly Dekla rasıa qabyldaǵan sát áli esimizde. Táýelsizdik alǵan kezdegi ishki tolqynysymyz kózimizden jas bolyp shyqty. Sebebi, bul ata-babalarymyz ańsaǵan, armandaǵan egemendik bolatyn. Bizdiń babalarymyz qarýdyń kúshimen eldi qorǵasa, biz bilimniń kúshimen egemendikke umtyldyq. Bul kún qazaq eliniń azattyq kúni, budan artyq kún joq, – dedi QR UǴA akademıgi.
Óz kezeginde tarıh ǵylymdarynyń doktory, profesor Georgıı Kan mańyzdy qujatty jazǵan azamattardy qurmettep, este saqtaýymyz kerek ekenin tilge tıek etti:
– Birinshiden, Deklarasıadan keıin zań qabyldanady. Eldiń tutastyǵy paıda bolady. Al ekinshiden, kez kelgen adam Respýblıka kúnin erekshe qabyldaıdy. Biz osy deklarasıany jazǵan adamdardy qurmettep esimizd e saqtaýymyz kerek. Sebebi, osy XII Qazaq KSR Joǵarǵy Keńesine shaqyrylǵan depýtattar Egemendikke qol jetkizý úshin talaı mańdaı terin tókti, – dedi.
El táýelsizdiginiń bastaýy bolǵan Egemendik týraly Deklarasıanyń mańyzyn aıshyqtap, mánin túsindirgen konferensıa jastardyń elin, jerin súıýge, egemendiktiń qadirin túsinýine erekshe áser etti.