«Ádiletti Qazaqstannyń» negizgi tujyrymdamasy – ulttyq baılyq ádil bólinýi tıis. Zań aldynda barlyǵy birdeı jáne Konstıtýsıanyń ústemdigi qamtamasyz etiledi. Árbir azamattyń teń múmkindikteri bar, ekonomıka árkimniń jáne barlyq jerde ál-aýqaty úshin jaǵdaı jasaıdy. Kásibı jáne jınaqy memlekettik apparat óz halqyna qyzmet etedi. Sondaı-aq, ulttyq múddeler halyqaralyq arenada qorǵalady, qaýipsizdik jáne basqa da mańyzdy aspektiler qamtamasyz etiledi.
El Prezıdenti Q.Toqaevtyń bastamasymen qolǵa alynyp otyrǵan Ádiletti Qazaqstan jobasynyń halyqqa bereri mol, mańyzy zor. Sońǵy jyldarda halyqtyń álaýqatyn kóterýge baǵyttalǵan baǵdarlamalar: jaǵdaıy joq otbasylarǵa beriletin qarjy kóleminiń artýy, zeınetkerlerdiń zeınetaqysyn ulǵaıtý, karantın kezeńderinde halyqqa tólengen qarjylaı kómek, az qamtylǵan otbasylar men kópbalaly otbasylarǵa bir rettik kredıttik amnıstıa, stýdentterdiń shákirtaqysyn arttyrý, ustazdardyń aılyǵyn kóbeıtý sekildi ıgi is-sharalar atqarylyp keledi.
2024 jyldan bastap 18-ge tolmaǵan árbir qazaqstandyqqa derbes shot ashylyp, onyń qoryna qarjylaı kómek aýdarý josparlanyp otyr. Odan basqa da Úkimettiń qaıta jasaqtalýy, halyqtyń múddesin oılaıtyn basshylardyń kelýi, jańa depýtattardyń jasaqtalýy, halyqaralyq qarym-qatynastardy oń baǵytta retteý, elde beıbitshilik pen tatýlyqty saqtaý maqsatynda halyqaralyq kezdesýler, kelissózder júrgizý sıaqty Memleket basshysynyń tarapynan júzege asyrylyp jatqan ister az emes.
Eldegi ekonomıkalyq jaǵdaıdyń artýy men el bolashaǵy tek qana basshylyqtyń quzyretindegi másele emes, halyqtyń birligi men yntymaǵyn saqtaý – árbir azamattyń boryshy. Memleket tarapynan berilip jatqan bilim granttary men basqa qarjylaı granttar el bolashaǵyna jasalǵan ınvestısıa, eldiń jarqyn bolashaǵynyń kepili. Mine, o sy at almysh is-sharalardyń jolǵa qoıylýy – Ádiletti Qazaqstandy qurýdyń basty qadamdarynyń biri. Osyndaı ıgi is-sharalarmen qatar, halyqtyń rýhanı damý men ishki jáne syrtqy mádenıetke nazar aýdarýy, bilimdilikke umtylýy eldiń ál-aýqatyn arttyratyn bolady.
Tabysty bolýdyń eń irgeli, basty faktory bilim ekenin árkim tereń túsinýi kerek. Jastarymyz basymdyq beretin mejelerdiń qatarynda bilim árdaıym birinshi orynda turýy shart. Sebebi, qundylyqtar júıesinde bilimdi bárinen bıik qoıatyn ult qana tabysqa jetedi Elimizdiń áleýetiniń kóterilip, halyqtyń jaǵdaıynyń artýy bolashaq úshin mańyzdy ról atqarady. Ádiletti Qazaqstannyń kórkeıýine óz úlesimizdi qosý – sanaly urpaqtardyń mindeti.
Ádiletti qoǵamnyń parasatty urpaqtarynyń jarqyn bolashaǵyna shynaıy senemiz. Elimiz kórkeıe bersin, alar asýlarymyz kóp bolsyn!