«Men — qazaq, qazaqpyn dep maqtanamyn, Uranǵa «alash» degen atty alamyn» – dep azattyqty ańsaǵan, sol jolda aıanbaı qyzmet etken alash arystarynyń barlyǵy da qýǵyn-súrginge ushyrap, Stalındik qyzyl terrordyń qurbandary boldy. Sol alash qaıratkerleriniń azattyq ıdeıasyn jalǵastyrǵan, qyrshyn ketken arystardyń amanatyn arqalaǵan jastar 1986 jyldyń jeltoqsanynda táýelsizdik úshin kúrese bildi.
Qaırat Rysqulbekov, Lázzat Asanova, Sábıra Muhamedjanova, Erbol Sypataev syndy qandastarymyzdy esten shyǵarý múmkin be? Osylaısha, elimizge táýelsizdik ońaılyqpen kelgen joq. Biz oǵan yzǵarly jeltoqsanda bodandyqqa qarsy bulqynǵan namysshyl jastardyń arqasynda qol jetkizdik. Osy jerde, jeltoqsan oqıǵasynyń táýelsizdikke jetý jolyndaǵy mańyzy men el táýelsizdigin alýǵa degen betburystyń jasalýyna tıgizgen yqpaly jaıynda aıta ketpekpiz.
1986 jylǵy Almaty oqıǵalary qazaq topyraǵynda ulttyń sanasyn, namysyn jetelegen qaısar býynnyń kelgenin áıgiledi. Osylaısha, jeltoqsan oqıǵasy KSRO-nyń ydyraýyn tezdetti. Jeltoqsan oqıǵalary Qazaqstan tarıhyndaǵy esten ketpes qaıǵyly oqıǵanyń biri. Bul oqıǵalar Qazaqstanda ǵana emes, búkil Keńes odaǵyna enip kele jatqan jas demokratıa úshin kúresti. Qazirde dúnıeni dúr silkindirip, búkil álemdegi saıasatqa betburys jasatqan jeltoqsan oqıǵasyna ýaqyt óte ádil baǵa berilip, bul tańda ult-azattyq kóterilis dep baǵalandy.
Keńestik aýmaqta ómir súrýshi halyqtardyń ortalyqtyń saıasatyna qarsy turyp, ulttyń sanasynyń oıanýyna áser etip, nátıjesinde Qazaqstanda Prezıdenttik bılik eńgizildi. 1990 jyly 24 sáýirde Respýblıkanyń Joǵarǵy Keńesinde Qazaq SSR Prezıdenttiniń orny taǵaıyndalyp, oǵan qupıa daýys berý jolymen parlament sesıasynda N. Á. Nazarbaev saılandy. Halyq depýtattarynyń alǵashqy sezi men partıa forýmdarynda egemendik ekonomıkalyk derbestik ıdeıalary talqylanyp, ortalyq pen federasıa sýbektileriniń arasyndaǵy ókilettilikti bólý, jáne odaqtyń kelisim jónindegi máseleler kóterildi. Oqıǵa ulttyq jandanýdyń, demokratıalyq qaıta ózgerýlerdiń kúsheıýi partıa jáne memleketti basqarýshylar tarapynan ortalyq pen odaqtas respýblıkalar araqatynasynyń retteıtin jańasha sharalardyń tezirek qabyldanýyna túrtki boldy. Osylaısha KSRO-nyń totalıtarlyq, otarshyl saıasatyna qarsy qazaq jastarynyń azattyq kúresi tarıhı mańyzy bar úlken oqıǵa boldy. Qazaqstan Respýblıkasynyń táýelsizdigin alýǵa óz úlesterin tıgizdi deı kele, jeltoqsan oqıǵasy – Qazaqstan tarıhyndaǵy esten ketpes, asa aýyr jáne qaıǵyly betteriniń biri demekpiz. Ol tarıhta máńgi qalady, umytylmaıdy! Qazaqstannyń erkindigi men bostandyǵy jolynda basyn báıgege tikken jeltoqsan oqıǵasyna qatysýshylardyń erlikteri ýaqyt ótken saıyn jadymyzda jańǵyratyn bolady! Olardyń sol qaharly kúnderdegi qaısar minezdi erlikteri búgingi jastar úshin úlgi-ónege.
- Táýelsizdik – bizdiń aldymyzdaǵy jarqyn bolashaqqa jol ashyp berdi. Biz sol joldan bultarmaı alǵa basa beremiz;
- osy baqyt úshin barshamaz bilimimiz ben biliktiligimizdi, qaıratymyz ben qabiletimizdi aıamaı jumsaımyz;
- Táýelsizdiktiń týyn jelbiretken Jeltoqsan oqıǵasyna qatysyp, eliniń táýelsizdigi úshin kúresken ul-qyzdarymyzdyń arqasynda egemendi el bolýǵa qol jetkizdik;
- Táýelsizdik – ata-babalarymyz úsh ǵasyrǵa jýyq ýaqyt boıy armandaǵan armany!
Qorytyndylaı kele, Otanymyz – Azat Qazaqstan máńgi qulpyryp, jarqyrap, abyroıy arta bersin deımiz.